'Arið 2006 í myndum

Hilsen:

Eftir þennan dauðadómspistil minn þá ákvað ég að enda árið með myndum af mínu ári, sem tók miklum breytingum, til hins betra.

Með þessum myndum kveð ég árið 2006, með ósk um gleðilegt nýtt ár og þakkir til þeirra sem lesa þessa pistla mína að staðaldri.

 

 

 

 

 

 

 

 

 

 

 

 

 

 

 

 

Hilsen og sjáumst á næsta ári, 2007

Gilli

30-12-06-03:57

Hilsen:

Hún er merkileg þessi fyrirsögn, því að samkvæmt henni var Saddam Hussein líflátinn, hengdur í sínni eigin pyntingaraðstöðu, eftir að dómur hafði verið kveðinn upp. Fljótt tekið af og Saddam allur, til óblandinnar gleði meðal andstæðinga hans, en fyrir fylgismenn hans, þá hefur Saddam öðlast píslavættisstöðu. Maður sem losaði sig við andstæðinga sína, drap fleiri tugi þúsunda manna án þess að blikna. Og á dauðadægri ákallaði hann Allah, sem hann hefur varla sett allt sitt traust sitt á.

Maður spyr sig, er heimurinn öruggari og betri eftir aftöku Saddam. Er hann betri eftir að hinir harðstjórarnir sem fallið hafa frá, annaðhvort frá vegna hjartaslags, eða sjálfsmorðs, er heimurinn öruggari þrátt fyrir allt? Veit ekki hvað segja skal, en eftir 9/11 þá er heimurinn langt frá því að vera öruggur, með tilliti til hvar menn í heimi búa. Öfgafullir múslimar ráða orðið okkar gjörðum og hugsunum, það er ekki lengur óhætt að ferðast með flugi eða járnbrautum, til vissra landa forðast maður að ferðast, og það er komið svo að menn óttast að búa í návígi við múslima eða eiga samskipti við þá.

Fræðimenn tala um að hinn vestræni heimur skorti skilning á trúarheimi og menningarheimi múslima. vel má vera, en það verður að segjast eins og er, að múslimar virðast vera haldnir þeirri kreddu að þegar þeir búa í vestrænum löndum, að þá geti þeir innleitt sínar hefðir og trú eins og ekkert sé. Eflaust er hægt að segja það sama um hinn vestræna heim, sem um þessar mundir "globaliserar", Austur-Evrópu,  Afríkumarkaði, Asíulönd og víðar til þess eins að undiroka þennan heim með lágum launakjörum og lífsstandard sem enginn vestrænn maður myndi vilja láta bjóða sér. Eða hver myndi vilja vinna í svitasjoppu í Indlandi eða einhverjum af þessum ríkjum, og vinna nánast 24 tíma á dag, á skítalaunum? Ekki ólíkt og læknarnir heima á 'Islandi sem vinna 2X24 klst til að hafa í sig og á.

OK, en þrátt fyrir að Saddam sé allur, þá ríkja yfir heiminum um þessar mundir Bush og Blair, og svo aðal hryðjuverkaleiðtoginn í 'Israel, sem ég því miður man ekki nafnið á, og saman mynda þessir menn þríeyki, eins og Bush sagði svo eftirminnilega, öxulveldi hins illa.

Hvernig var það með Bin Laden, hvað sagði Bush eftir 9/11: We will hunt him down, he is nowhere safe? Og hvar er svo Bin Laden núna, verður hann dreginn fram í sviðsljósið þegar næstu saklausu borgarar þessa heims verða fórnarlömb hryðjuverka, vegna hagsmuni hins vestræna heims og trúartogstreitu hins múslímska heims?

Nei, heimurinn verður ekki öruggari eftir hengingu harðstjórans. Heimur versnandi fer, af því að hið illa hefur þegar náð völdum, í huga manna og gjörðum. Græðgin hefur tekið sér bólfestu í fyrirtækjum, einkalífi og aðgerðum stjórnvalda. Smátt og smátt erum við að útrýma okkur sjálfum með útblæstri, eyðingu skóga, breytta legu landslags og svo nýtingu  sjálfbærra náttúruauðlinda.

Maðurinn er sjálfum sér verstur og hefur ætíð verið. Það mun aldrei breytast.

Hilsen

Gilli

 

Hugljómun

Hilsen:

Var að ljúka við að horfa á Kastljós, þar sem yfirbragðið er eins og venjulegar þegar nær dregur lokum þessa árs, virtir menn og konur dregin fram til að fara yfir atburði liðins ár. Núna horfa menn til baka og rifja upp allt sem gerðist á árinu. Verð að segja eins og er að ég man varla sjálfur hvað ég var að gera 17 febrúar síðastliðinn. En burtséð frá því þá var í lokin tónlistaratriði með hinum einstaklegu skemmtilegu og fjölhæfu drengjum í Baggalúti. Sem ég sit og horfi á drengina skvetta fram ú rerminu hresst þýskt rokklag í nýársbúning, þá allt í einu verð ég fyrir þessarri allsvakalegri hugljómun. Um leið furða ég mig á því af hverju fleiri hafi ekki fengið þessa hugljómun. Kannski svipað með mig og Edison, það er ekki á færi allra að verða fyrir slíku nema vel tengdir.

Og hver er svo þessi hugljómun, sem krefst þess að ég sprett að tölvunni, burt frá Flash verkefninu mínu? Haldið ykkur fast: Af hverju sendum við ekki Baggalútsmenn í næstu Júróvisjón keppni. Eftir hraklegu smánarferð Sílvíu Nætur og ímyndarskaðann sem hún olli okkur og landi og þjóð þá þurfum við sko heldur betur á því að halda að efla ímynd okkar á ný. 'Eg meina í alvöru, 16 sætið okkar er í hættu, að ég tali nú ekki um 2 sætið hennar Siggu Beinteins.

'Islendingar, tökum okkur á, allir sem einn, sendum Baggalútsmenn í Júróvisjón. Eyðum ekki einhverjum milljörðum í einhverjar Hollywoodbakgrunna og ljósasjóv, heldur sendum drengina beint í keppnina, með aurana sem annars hefðu farið í að halda einhverja sýndarkeppni, til þess eins að Kristján Hreinsson taki þátt aftur. Nóg er að heyra í honum í þætti Margrétar Blöndal að berja saman einhverja klénar vísur, sem hann og Margrét hlægja eingöngu að.

Nei, köstum ekki krónunni í slíkan óþarfa. Baggalútsmenn í Júróvisjón. Það yrði sko eitt allsherjar gott partý, enda Baggalútsmenn þekktir fyrir að halda uppi þrusustemmningu.

Er það ekki málið? Þetta er heitasta bandið á Íslandi í dag, fyrir utan Brimkló, Rúna Júl og Bubba. Og við förum varla að senda það gengi í Júróvisjón, ekki satt?

Hilsen

Gilli

Topp 30

Hilsen enn á ný:

Gleymdi að minnast á óreglulegan sem kannski reglulegan lið, ásamt öðrum skemmtilegum nýjungum sem senn líta dagsins ljós á þessu bloggi innan tíðar. En þessi óreglulegur liður eru topp 30 atriði um goðið sjálft Chuck Norris sem heillað hefur margan manninn um dagana með leiftursnöggum bardagaaðferðum sínum og hefur kappanum verið ósjaldan líkt við Bruce Lee sjálfan.

En hér eru staðreyndir sem fáir vita nema allrahörðustu aðdáendur hans, og hafa farið leynt með. En við lifum á tíma upplýsingatækni og því nauðsynlegt að upplýsa menn um ósögð sannindi:

1. Kínamúrinn var upphaflega byggður til að halda Chuck Norris fjarri. Það mistókst herfilega.

2. Það er ekki til nein þróunarkenning, aðeins listi af dýrum sem Chuck Norris hefur náðarsamlegast leyft að lifa.

3. Chuck Norris er eini maðurinn sem hefur unnið múrsteinsvegg í tennisleik.

4. Þegar Chuck Norris skilar skattaskýrslunni sinni, þá er hún oftast nær óútfyllt og með mynd af honum í bardagastöðu. Hann hefur síðan aldrei þurft að borga skatta.

5. Stysta leiðin að hjarta manns er hnefi Chuck Norris

6. Stæði merkt fötluðum þýðir ekki að fatlaðir geti lagt þar. 'I raun er þetta aðvörun þess efnis að stæðið sé fyrir Chuck Norris og sá sem leggi þar verði fatlaður það sem eftir lifir.

7. Chuck Norris þekkir aðeins tvær skilgreiningar á hraða: Ganga og drepa

8.  Chuck Norris er ekki vaxinn niður eins og hestur, hestar eru vaxnir niður eins og Chuck Norris

9. Það eru engin gereyðingarvopn til. Aðeins Chuck Norris.

10. Chuck Norris  bað um Big Mac á Burger King og fékk hann.

 

Gleðilega Búkarest

Hilsen:

Jæja, þá er maður óðum að jafna sig eftir ágætis jól og verður að segjast að þessi jól voru frekar í hófi en mörg önnur jól sem maður hefur upplifað í gegnum tíðina. Reyndar flaug í gegnum huga minn að sniðugast væri eftir svona mikil hátíðahöd sem jólin eru, að í stað þess að strengja áramótaheit um að taka sig á á nýju ári hvað varðar mataræði, reykingar eða almennt að losna við ýmsa lesti, hví ekki að bregða sér á kjötkveðjuhátíð í Rio de Janeiro? 'I slíkri ferð felast margir kostir, kjötið er kvatt með viðeigandi hátíðarhöldum, og þar að auki fá menn góða hreyfingu við sambadans og aðrar athafnir sem fylgja slíkri hátíð. Hér er komin hugmynd fyrir markaðsöflin, að markaðssetja ferðir gagngert fyrir fólk sem vill losna við aukaþyngdina eftir jól og áramót.

Eins og minnst hefur verið á í þessum pistlum þá er greinarhöfundur oft með nefið í dönsku dagblöðum, enda gamall siður frá því þegar höfundur bjó í Noregi á því merkisári 1986. 'I  yfirferð minni um dönsk blöð, þá rakst greinarhöfundur á fróðlega grein, sem er samin í þeim tilgangi til að fjarlægja þær ímyndir og kreddur sem menn hafa um arabaheiminn. Oftast nær hafa menn ímynd af þessum heimi sem harðsvíruðum og frekar óhefluðum heimi, þar sem réttindi kvenna eru ekki í hávegum haft.

'I umræddri grein er fjallað um múslimskan kynlífssérfræðing að nafni Hebu Koth, svona Jóna Ingibjörg múslima í kynlífsfræðum.  Hún líkt og aðrar múslímskar konur gengur í hefðbundnum múslimafatnaði með slæðu um hárið. Sérstaða hennar felst í því að einu sinni í viku er hún með þátt í egypska sjónvarpinu þar sem hún fjallar á opinskáan hátt um kynlíf frá sjónarhóli islam.

'I þættinum sínum svarar hún frekar viðkvæmum og áleitnum spurningum víðsvegar úr hinum ýmsu ríkjum Miðausturlanda um hið viðkvæma umræðuefni kynlíf sem er ekki mikið fjallað um á opinberum vettvangi þar enda talið bannorð og um leið hættulegt umræðuefni með tilliti til islam.

En Heba staðhæfir að í islam er talað um að kynlíf eigi að vera jafn ánægjulegt fyrir báða aðila, og þá með tilliti til þess að það sé innan hjónabandsins. 'I rannsóknum sínum komst Heba að því að islam var lengra á veg komið á skilgreiningu sinni á kynlífi og það löngu fyrr  á undan sinni samtíð.

'I islam sé forleikur mikilvægur á undan kynlífi segir Heba og bendir áhorfendum sínum á að konur eigi að njóta kynlífsins.

'Ohætt er að segja að sjónvarpsþátturinn og um leið beinskeytt umfjöllun hennar hefur vakið mikla athygli í arabaheiminum, þar sem kynlífsfræðsla er takmörkuð og samskipti kvenna og karla eru ekki jafn frjálsleg eins og gengur og gerist í hinum vestræna heimi og umræða um slíkt viðkvæmt efni er ekki í hávegum höfð.

Nýlega hélt Heba fyrirlestur í Yemen, þar sem hún lýsti því hvernig stór hluti af karlpeningnum var í losti, á meðan spurningar frá konum voru óstöðvandi.

En hver er þessi umrædda Heba Koth?  Hún er 39 ára gömul, gift og þriggja barna móðir og hefur numið kynlífsfræði sín við Maimonides háskólann í Bandarríkjunum. 'Arið 2002 setti hún á laggirnar kynlífsráðgjöf í Kaíró, skrifaði fjölda blaðagreina um efnið, var gestur í mörgum spjallþáttum og heldur jafnframt úti heimasíðu. (http://hebakotb.net)

Jafnvvel þó þáttur hennar sé beinskeyttur þá svarar hún oftast spurningum áhorfenda með tillit til líffræði. Hún ræðir um samsfarastellingar, fullnægingu kvenna, munnmök, sem eru leyfð þar sem engir trúarlegir textar banna slíkt. Einnig fjallar hún um sjálfsfróun kvenna, þó að slíkt er ekki vel séð í hinum arabíska heimi, en þó talið betra en að vera ótrú manni sínum. Hvað varðar samkynhneigð þá hefur Heba ákveðna og einarða stefnu gagnvart því  en að hennar mati er slíkt sjúkdómur.

Að mati margra finnst þeim sem kynlíf gegnsýri þátt hennar, en benda þó á um leið að slíkt umræðuefni sé að öllu jöfnu skoðað með trúarlegri sýn hins arabíska heims.

Mönnum finnst nóg um þar sem þegar eru ríkjandi ákveðin íslömsk hefði hvað varðar, banka, tísku, hárgreiðslu, sundföt og rithöfundar, og þegar bæta eigi kynlífi við í þá flóru þá er meira en nóg komið að mati þeirra.

Margar mæður hafa lýst áhyggjum af því að unglinmgar horfi á þessa þætti hennar og þar með hafi þau þegar verið kannski upplýst fullmikið en ástæða þykir til. Þetta valdi því að þau verða ákafari en áður að prófa kynlíf.

Að mati Hebu er nauðsynlegt að ræða um hlutina eins og þeir eru, og hún bendir á að kannski megi rekja 80% hjónaskilnaða í arabaheiminum til kynlífsvandræða í samlífi arabískra hjóna. Enda ríki þar sú hefð og þrýstingur samfélagsins að kona eigi að vera óspjölluð áður en til giftingar kemur.

'I arabaheiminum ríkir sú skoðun meðal margra kynsystra hennar að konur vita nánast ekkert um líkama sinn og öll umræða um kynlíf er varla teljanleg og þeim er talið trú um að kynlíf sé óhreint og aðeins í þeim eina tilgangi til að þjóna væntanlegum eiginmanni.

Heba Kotb getur vel við unað þrátt fyrir mikla umræða um þátt sinn þar sem hún er bókuð til að fjalla um kynlíf fyrir ógifta unglinga, með samþykki foreldra þeirra , en að öllu jöfnu veitir hún ráðgjöf til giftra einstaklinga, sem koma langt að frá í hinum arabíska heimi, til að njóta ráðleggingar hennar.

Þannig er nú það og ráð í tíma tekið til að varpa frá ákveðinni huliðsblæju í þessum heimi sem fáir vita um, en hafa þó skoðun á.

Var að horfa á fréttir á RUV í gær á netinu, og veitti því athygli að fjallað var um hvernig mörk á milli hins raunverulega heims og netheims voru að verða meir og meir óskýr með tilkomu leikja á borð við EveOnline og Secondlife sem minnst hefur verið á hér í þessum pistlum.

Svona í lokin, þá fær DR1 mitt hrós fyrir ágætis jóladagskrá á netinu með bíómyndum og fréttaflutningi. Líkt og RUV er DR1 flaggskip dana hvað varðar traust og hefðir og það er óhætt að segja að DR1 stendur sig betur í miðlun efnis en RUV sem lætur sér nægja að senda eingöngu út fréttir á netinu, en veitir engan aðgang að kvikmyndum eða þáttum á netinu, nema Kastljósi. Hvernig er það með sjónvarp allra landsmanna, eru allir gluggar í Efstaleitinu svo skyggðir að menn sjá ekki lengur út fyrir lóðina? Væri ekki ráð nema í tíma tekið og hugsa til þess að 'Islendingar búa víða um heim og hefði eflaust mikla ánægju af því að geta sótt aðgang að meira efni en eingöngu fréttum að heiman? Vonandi breytist það þegar þessi stofnun verður hf eða ehf.

Kv

Gilli

 

 

Stærsti sjónvarpsskjár á Norðurlöndum

Hilsen:

Vona að landsmenn fjarlægir sem nálægir hafi átt góða jólahátíð. Var nú ekkert farið að lítast á fréttirnar að heiman, með öllu vatnsveðrinu, stormum, og almennt yfirdrifnu fárviðri sem virðist hafa geisað heima. Hér hefur varla bært hár á höfði, og í gær eftir að hafa snætt góðan mat, nautakjöt með meðlæti og kjúklinga á kinverskan máta, þá var ákveðið eftir góða hvíld að rölta niður í miðbæ og tékka á lífinu. Þar sem við vorum eingöngu þrjú sem vorum eftir af öllum alþjóðlegu stúdentunum, þá fannst okkur viðeigandi að bregða okkur í bæinn, enda vön öðrum siðum að heiman. Um tíma frá 11 um kvöldið vorum við einu hræðurnar í bænum, og eftir að hafa rúntað um helstu verslunargötu Esbjerg var ákveðið að kíkja inn á eina barinn sem var opinn. Þar inni sátu nokkrir sem greinilega höfðu engan heim að sækja, og eftir stutta stund settist hjá okkur norskur sjómaður, sem var óðara upptekinn við að sannfæra slóvönsku stelpuna, Martinu um að heimsækja sig, þó giftur væri. Hún var náttúrulega kurteisin uppmáluð, en eftir að hafa setið stutta stund á spjalli við hann, fannst henni tímabært að við færum annað. Hún hafði áhuga á að komast í miðnæturmessu, enda vön því að heiman að fara í messu með foreldrum sínum. Við höfðum fyrr um kvöldið gengið fram hjá kirkju þar sem auglýst var miðnæturmessa. Við náðum tímanllega og vorum fyrst í vafa, þar sem meirihluti kirkjugesta var frá Asíulöndum, og inn á milli væntanlega vinir og vandamenn. Við settumst inn og hlýddum á messuna, og má eiginlega segja að presturinn sem stjórnaði henni var mjög sérstakur, í staðinn fyrir að standa í púlti gekki hann um gólf og með miklum tilþrifum á dönsku lýsti hann eiginleikum jólanóttarinnar, með aðstoð ungra barna og aðstoðarmanna. Að mörgu leyti var þetta mjög notalegt að setjast um stutta stund inn og hlusta á guðsorð, og þegar leið að lokum messunnar var Heims um ból sungið á dönsku.

Eftirá kíktum við aftur í miðbæinn, og þá var annað um að lítast, göturnar fullar af fólki og staðirnir að fyllast af fólki, líkt og um venjulegan laugardag væri að ræða. Við fundum einn þægilegan stað og sátum þar um stutta stund áður en heim var haldið á leið.

'EG rak  augun í það að til stendur að byggja einn stærsta risaskjá utan á byggingu einni sem stendur við Ráðhústorgið í Kaupmannahöfn. Bygging þessi hefur löngum verið mikill þyrnir í augum dana, þar sem framhlið hennar er skreytt með ljósaskiltum frá hinum og þessum fyrirtækjum, og sjálfur hef ég oft veitt þessarri byggingu athygli enda annað ekki hægt. En nú eru uppi áform um að byggja framan á bygginguna  risaskjá, 500 fermetrar, þar sem hægt verður að fylgjast stórviðburðum hvort sem um er að ræða í íþróttum eða tónlist. Með þessu móti vilja menn nýta sér margmiðlunarmöguleikana, til að geta miðlað um leið upplýsingum og lifandi auglýsingum.

Jæja læt þetta nægja í bili, enda framundan að snæða restarnar af nautakjötinu og öllu meðlætinu ásamt góðu rauðvini sem keypt var í Nettó fyrir 40 dkr.

Hilsen

Gilli

Gleðileg jól

Sæl verið þið:

Þá er runninn upp minn 46ti aðfangadagur og verður að segjast að harla man ég eftir minni fyrstu jóalgjöf, en einhvers staðar í minningabankanum eru gjafir eins og snjóþota, norskur sleði með sæti og handfangi og svo stóð maður fyrir aftan sætið ofan á járninu og ýtti sér áfram. Þar að auki man ég eftir að hafa fengið Matchbox bílabraut, átthyrnd, enda var hún notuð óspart þau jólin, eða þangað til batteríin kláruðust. Þá beindist athyglin að einhverju öðru. Oftast nær þegar spurt var hvað ég vildi, þá var ég nokkuð ákveðinn, bækur, og þá helst bækurnar eftir Enid Blyton, um hin fimm fræknu. Þetta voru uppáhaldssögurnar mínar, ævintýri og spæjaragátur. Svo er í minningunni jól þar sem gjafirnar hafa verið minni, en samt þýðingarmeiri, og um tíma þegar frændi minn og nafni lifði var ég best klæddi maðurinn eftir gjafaflóðið frá honum. Nú hin síðari ár eru jólin komin með annan merkisblæ, í huga mínum meira tengt mat, slökun og lestur bóka og áhorf mynddiska. Svona breytist þetta.

'Aðuren ég slútta  þessu bloggi, þá langar mig að hefja hér upptalningu á merkilegum staðreyndum varðandi bardagahetjuna miklu, Chuck Norris goðið sjálft, og ég veit ekki hvað ég get hafið manninn meira til skýjanna.

Hér eru fyrstu molarnir, lauslega þýddir úr ensku:

1. Tárin hans Chuck Norris geta læknað krabbamein. Slæmt er þó að hann hefur aldrei grátið. Aldrei

2. Chuck Norris sefur ekki. Hann bíður átekta.

3. Aðalútflutningsvara Chuck Norris er sársauki

4. Chuck Norris hefur talið til eílífðar. Tvisvar

5. Chuck Norris fer ekki á veiðar, þar sem orðið  gefur til kynna möguleika á að mistakast. Chuck fer frekar út og drepur.

6.Það er engin kinn undir skeggi Chuck Norris. Þetta er eingöngu annar hnefi.

Læt þetta duga að sinni.

 

Hilsen og eigið gleðilega hátíð.

Með þökk fyrir lesturinn og allar athugasemdir sem borist hafa.

Gilli

Jólagjöfin í ár

Hilsen:

Hvernig væri nú að flikka upp á húsgögnin heima, og koma með nýtt lúkk? Kíkið á þessa heimasíðu, þetta eru sko klikkuð húsgögn, er ekki viss um að þau muni vekja mikla lukku hjá veikara kyninu.

www.sexyfurniture.nl

Hér eru sýnishorn:

 

Þetta er spurning um djörfung ekki satt?

Hilsen

Gilli

Svínslegt

Jæja sæl verið þið:

'Oðum nálgast jólin. Hér er grá jörð, hiti og almennt mjög gott veður. Það er löngu búið að slá af að hér muni hvít jörð fagna landsmönnum á aðfangadag eða yfirleitt í kringum jólahátíðina. Verður að segjast eins og er fyrir íslending eins og mig þá veit maður ekki hvort maður á að kætast eða leggjast í sorg yfir því að hafa ekki snæhvíta mjöllina með öllu sínu frosti og  kulda. Að vissu leyti söknuður en um leið áhyggjur yfir framhaldinu, þ.e hvað tekur við eftir áramót.

Mínar áhyggjur eru þó smáar í samanburði við áhyggjurnar sem danir hafa yfir nýjustu útspili dansks  listamannahóps sem settni nýverið auglýsingu í Teheran Times í 'Iran þar sem við fyrstu sýn sem hópurinn virðist styðja baráttu Írana fyrir kjarnorkuvinnslu. En þegar betur er að gáð,  þá mynda fyrstu upphafstafirnir úr auglýsingunni þegar þeir eru settir saman orðið SWINE. Og það er ekki til að bæta það að yfir texctanum trónir mynd af forseta 'Irans Mahmoud Ahmedinejad yfir öllu svínaríinu.

Menn héldu eftir þessar víðfrægu Múhameðsteikningar að nú væri mál að linni, en ónei þá sprettur þessi grúppa upp, sem hefur unnið sér það helst til frægðar að hafa farið til  Balkanlandana og gert grín að serbískum lýðræðissinum sem  styðja Ratko Mladic hershöfðingja. Grínið fólst í því að hengja upp plaköt með fyndum skilaboðum. Þennan leik hefur þessi listamannahópur iðkað í helstu málum sem brenna á heimsbyggðinni.

Með þessu útspili telja þeir sem næst standa málefnum 'Irans að þetta muni skapa enn meiri hatur á dönum, og jafnvel beinast gegn þeim sem virða menningarheima annarra ríkja. Einn af þeim sem hefur tjáð sig um þetta útspil, er´íranskur vísindamaður við  Háskólann í Aaarhus, en að hans mati er orðaval listamannahópsins frekar óheppilegt. Annar tekur í sama streng og segir að orðið svín sé gjarnan notað til að svívirða múslima.   Það valdi ekki neinni umræðu aðeins reiði að nota slíkt orð.

Þrátt fyrir þessa auglýsingu vona menn að hún skaði ekki hagsmuni dana eins  og múhameðsmálið, og telja að þar sem lesendahópur Teheran Times sé frekar lítill, aðallega  diplómatar og útlendingar, að skaðinn verði ekki eins mikill og kröftugur og múhameðsteikningarnar ollu á sínum tíma. En þó taka þeir öllu með fyrirvara, enda dönsk framleiðsla og fyrirtæki ekki vinsæl sem stendur í Arabalöndum.

Að mati listamannahópsins finnst þeim þetta hafa skilað jákvæðri umfjöllun og þeir telja að sjálfur Mahmoud hafi húmor fyrir slíkum uppákomum, og telja að þetta muni ekki valda miklum skaða, tilgangurinn hafi fyrst og fremst verið sá að setja af stað háð þar sem almenna umræðan er kæfð af orðfæri ríkjandi valdhöfum vestursins, í þá umræðu skorti háð og léttleiki.

Hilsen

Gilli

Set inn mynd af amfiteater IBM í þríviddarheimi Secondlife.

Annað líf

Hilsen:

Jæja, þá er maður kominn í jólafrí eftir góða og snarpa törn í skólanum. Nú taka við "rólegheit" en framundan er að rýna í gögn og bækur eftir fyrstu önnina, því framundan er verkefni eftir áramót sem tekur allt að þrjár vikur að vinna í. Meir um það.

Hugsið ykkur hvað það væri meiriháttar að geta skipt um líf, orðið að annarri persónu en maður er, kaupa og byggja upp hús að eigin vali og smekk, velja sér förunaut eftir útliti og töfrum, nú eða lifa hinu ekta swinger lífi. Ja maður bara dæsir af tilhugsuninni. En þetta er hægt í dag.

'I einum af pistlum mínum minntist ég á netheimalíf sem heitir secondlife.com, þar sem nákvæmlega þetta og meir sem menn eru að framkvæma á þeim vef.  En það eru feiri sem hafa uppgötvað möguleikana á þessu öðru lífi, fjarri raunveruleikanum. Stórfyrirtæki á borð við Coca Cola, Pepsi, og fataframleiðendur eru óðum að markaðssetja sig í þessum netheimi. Nú síðast bera fréttir af því að stórfyrirtækið IBM hafi keypt um 12 eyjar í secondlife, þar sem meiningin er að gera tilraunir með þrívíddarheimsóknar stað á netinu. Hugmyndin gengur út á það að geta hitt samstarfsaðila IBM og sýna þeim fram á möguleikana að byggja upp fyrirtæki á Secondlife. Eyjunum 12 er skipt upp í þrjú svæði fyrir verkefni sem IBM vinnur að, samstarfsvæði fyrir samstarfsaðila og svo tilraunasvæði þar sem hægt er að nýta gögn frá öðrum þekkingarfyrirtækjum í Secondlife.

Þegar hafa 700 samstarfsaðilar haslað sér völl í Secondlife. Stór hluti af þessum hópi nýtir sér þegar það sem netheimurinn hefur upp á að bjóða, á meðan aðrir úr hópnum eru að koma sér fyrir með aðstoð IBM.  IBM hefur þegar byggt upp risahúnsæði í Secondlife, svokallað amfiteater þar sem  hægt er að hittast og kynna sér það sem framundan er  í framleiðlsu. Þetta telja forsvarsmenn IBM skipta miklu máli í dag, þar sem samstarfsaðilarnir eru staddir víða um heim, og hinar hefðbundnu viðskiptaferðir séu óðum að hverfa með tilkomu netsins. Hægt er að hittast í amfiteater og virða fyrir sér framleiðsluna og  síðan skiptast á skoðunum innan amfiteaterins.  Þegar hafa verið haldnir slíkar kynningar og fundir og hafa gefið góða raun.

Með tilkomu þessa netheims gefst fyrirtækjum kostur á að byggja upp starfsemi sína, í þríviddarheimi og um leið rannsaka hvað áhrif slík uppbygging hefur, ekki bara til að setja inn logóið sitt, heldur til þess að skapa nýjan netheim þar sem hinn almenni neytandi getur sótt í og átt athvarf, fjarri raunverulegum ranveruleika.

Jamm, áður mér brá. Segi bara ein og Bob Dylan: The times they are a changing.

Hilsen