Mér er nokk sama.

Hilsen:

Jæja, þá er komið að því. Búið að útdeila prófverkefninu, sem er hið merkilegasta plagg, og breytist dag frá degi enda einn kennarinn eins og veðrið heima 'Islandi, veit ekki stundum hvort hún er að koma eða fara. En svo afturámóti er þetta hundleiðinlegt prófverkefni, að búa til vefsíðu um þýsk rauð vín og markaðssetja það um leið í Danmörku. 'I fyrsta lagi, hafa danir engan áhuga og grun um að þjóðverjar framleiði rauðvín, í öðru lagi er þeim alveg fjandans sama, enda fara þeir, þe. danirnir bara yfir landamærin og kaupa sér þar ódýran danskan bjór og kannski þýskan öl.  'Aður en að prófverkefninu kom unnum ég og yngri strákur að bæklingi um þýskt rauðvín og gerðum bara vel, enda fundum við fyrir öfund skólafélaga okkar. Enda rann þar í eitt, sköpunargáfa, könnun og textafærni. Og útkoman var ásættanleg. Nú við héldum að kennarar okkar byggju kannski yfir einhverjum illum brögðum til að fella okkur, en ónei, þeir skella á okkur sama verkefninu, bara með aðeins meira munstri, vefsíðu, gagnagrunni, flash hreyfimynd, og svo eigum við að koma með markaðssetningarhugmyndir. Þunnur þrettándi þar, en ágætt þar  sem grunnvinnan hefur þegar verið unnin. Þannig að nú erum við sameinaðir sem einn, ég Olaf, sem ég hélt að hefði hrökklast frá námi, en er mættur fílefldur til leiks og það er kraftur í kauða núna.  Enda erum við komnir á fullt, ég órakaður, Olaf rauðeygður og við báðir meira eða minna, að annaðhvort að peppa hvorn annan eða ergjast aðeins. En gengur vel þrátt fyrir allt. 

Nú, en svo er komið fyrir mér eins og meðaldananum, sem hefur hvorki grænan grun eða áhuga á þessarri blessaðri Júróvísjón, sem núna er orðin að einhvers konar "statement" fyrir austur-evrópskar þjóðir, til að koma sér og sinni músik á framfæri. Gott og vel, leyfum þeim það, var ekki vestur-evrópa hvort sem er búin að einoka þetta í áratugi. Þetta er svona sandkassadæmi, þú mátt ekki í leika í mínum sandkassa, farðu í sandkassann með leiðinlegu vinunum þínum. Kommon.

OK, fínt að  einhver vakti loks máls á því að þetta er mafía og samsæri og allur pakkinn. 'Oþarfi samt að slá sendiboðann til eðaltignar, enda spurning af hverju RUV eða þeir sem skipuleggja þetta hafi ekki verið vakandi yfir þróun mála þarna niðurfrá.  Þetta er búið að vera í gangi í nokkur ár. Og alltaf eru einhverjar "kellingar í vesturbænum" að fitja upp á nef sér af því að við litla þjóðin 'Island, sem hugsar eins og einhver milljónaþjóð, fáum ekki að komast áfram. Kommon, við erum eins og úthverfi í einhverri stórborginni.

Til hvers í fj........eigum við að eyða pening í þetta? Hvað myndi gerast ef við ynnum svo, það er meiri kostnaður á bakvið það. 'Eg hef aldrei skilið þennan rembing að komast áfram í þessarri útdauðu keppni, sem er meira áhorfsefni fyrir einhverja  sem hafa gaman af körlum í dragi og hlusta á ruslatunnupopp. Af hverju reynum við ekki frekar að setja stefnuna eitthvað hærra, en þetta. Þetta er orðið bara að einhverju fyrir neðan virðingu okkar sem "stórþjóðar".

En það er eins og alltaf með íslendingshjartað, það er spurning um að vera með. Af hverju tökum við ekki bara þátt í klámmyndahátíðinni, samhliða Cannes hátíðinni. Sendum þar einhverjar harðkorna klámmyndir, með titlum eins og Geysir Cums, eða See Miss LavaWonder squirt her lavadrops. Nú og svo er hægt að markaðssetja Bláa Lónið í leiðinni. Eskimo Gangbanging in Blue Lagoon. Hvar er hugmyndaflugið?

Jæja maður er kominn á flug og varla búinn að opna bjórdós. En látum gott heita.

Mér finnst svona í hreinskilni sagt, að best sé að snúa sér að einhverju vitrænu en að rembast eins og rjúpan við staurinn, til að á einhverri viðurkenningu á lögum sem enginn man eftir árið.  Menn muna aðallega eftir Abba, Johnny Logan og svo Lordi. Kommon, get a life.

Jæja, framundan er hönnunartímabil, svo ég verð lítið viðloðandi bloggið eins og er.

Kv

Gilli