Punktar

Sæl verið þið, dyggu lesendur mínir.

Jæja, þá er þessi stórkostlega helgi liðin, 17 júní liðinn með glans og líkamsárásum eins og venjulega, að vísu ekki neinar kynþáttaóeirðir eins og síðast. Þá er bara eftir Menningarnótt. Riginingarspáin gekk eftir, þ.e.a.s á föstudegi, laugardagurinn var fínn, byrjaði með dumbungi en batnaði svo. Lá í fletinu á laugardegi, horfði á beina útsendingu frá 17. júní á Austurvelli, beið eftir smá hasar frá einhverjum náttúrurverndarsinnum, þeim hefur örugglega verið smalað saman og ekið með þá á Þingvelli, svipað og gert var við rónana á sumrin, hér á árum áður, þeim var smalað saman svo þeir væru ekki að abbast upp á túrista. Hef verið að glugga í nokkrar forvitinilegar bækur, mæli sérstaklega með bók eftir þýska ljósmyndarann, Max Schmid, 'Islands óbeisluð öfl, þetta er alveg meiriháttar bók, magnaðar ljósmyndir frá helstu háhitasvæðum 'Islands, eins og Þeistareykjum, Kleifarvatni. Þegar maður sér þessar myndir þá sér maður hvað 'Island er magnað, hvað varðar náttúruliti og fegurð. Hin bókin sem ég hef verið að glugga í heitir Hin mörgu andlit trúarbragðanna, eftir Þórhall Heimisson, þar sem hann gerir grein fyrir hinum mörgu trúarbrögðum og stefnum. Skyldulesning. Brá mér í bíltúr á sunnudaginn um Villingaholtshrepp. Rak augun í hvað skiptir miklu máli að hafa fínt í kringum sig.  Jæja læt þetta nægja að sinni.

Mál að linni.

Maður er eiginlega orðinn ringlaður, svona í "sumarbyrjun", sveitarkosningar afstaðnar og lítið tekið mark á skilaboðum fólksins til flokkanna. Aðeins hugsað um að renna saman við þann sem hefur mestan meirihlutann og reyna að kría út heillavænlegar stöður og embætti. Og nýjasta útspilið er uppstokun á ríkisstjórninni, þarsem Halldór svíkur lit og hleypst undan merkjum. Hvernig er það með þessa stjórnmálamenn, hafa þeir enga siðferðiskennd og ábyrgðartilfinningu gagnvart kjósendum sínum? Ef í harðbakkann slær, þá rjúka þeir úr embættinu, eða fara í fýlu og vilja ekkert  við menn tala. Mér finnst þetta lydduskapur af Halldóri að hætta, hann er bara að senda skilabúð út í samfélagið að það sé allt í lagi að svíkja lit, ef manni hugnast ekki mótlætið.  Og það er næsta víst að hans biði stóll í Seðlabankanum við hliðina á strengjameistara sínum, Davíð Oddsyni. 'Eg meina fléttan er svo augljós, Jón Sigurðsson, úr Seðlabankanum stendur uppúr stól sínum svo Halldór komist að. Sannið til. Afhverju ekki að skíra Seðlabankann, Seðlaskjól, eða  Eðalskjól, eða Stólahlíð? Búum útbrenndum stjórnmálamönnum þægilegt eftirlaunastarf í Stólahlíð!

Sögur af Bubba

Heil og sæl:

Hlustaði á tónleikana með BUBBA  á Bylgjunni í gær, og horfði á Stöð2 ruglað samtímis. Geggjun, ekki satt? En djöf...voru þetta magnaðir tónleikar á að líta. Vona bara að það komi út dvd diskur fljótlega svo hægt er að njóta þess heima. Hann var flottur ´Kóngurinn, hoppaði og skoppaði, ég beið bara eftir smá shadow boxing, en hann stóð fyllilega undir sínu. Mér fannst í fyrstu sem röddin væri ekki nógu góð, en þegar á leið þá stóð hann fyrir sínu. Megi hann hafa þökk fyrir allar þessar perlur sínar í gegnum árin. Með þessarri grein fylgir mynd sem ég tók af BUBBA á Borginni í kringum 1990 eða svo. Er ekki alveg viss, þetta er farið að skolast til. 'Eg varð þess heiðurs aðnjótandi að fá að fylgjast með BUBBA þegar hann kom að spila á Flateyri þegar ég bjó þar á árunum 1995-2000, fékk að fljóta með honum á tónleika á Suðureyri þar sem hann spilaði í ísköldu félagsheimili í dúnúlpu og einnig þegar hann var að æfa hjá Stebba Dan á 'Isafirði. Þetta var upplifun enda enginn eins og BUBBI. Læt þetta nægja í bili

Fálkaorðu handa afmælisbarninu

Er frekar pennalatur í dag. 'I hálfgerðum doða eftir hvítasunnuhelgina. En það sem ég vildi segja, er þetta. 'i gegnum tíðina hafa hinum og þessum verið  veittar fálkaorður fyrir störf í þágu samfélagsins. Margir átt þau skilið en stundum spurning með suma. En mér finnst að í tilefni dagsins, eigi að veita einum vinsælasta söngvara landsins fálkaorðuna, enda hefur hann lagt mikinn skerf af mörkum hvað varðar tónlistarsköpun og einnig margar lagaperlur sem lifa með þjóðinni, og munu gera um aldir alda. Nægir að nefna, Fatlafól, Syneta, Stál og hnífur, 'isbjarnarblús? Já, mikið rétt, umræddur söngvari er enginn annnar en BUBBI.  Legg til að ráðamenn landsins, ef þeir eru ekki búnir að segja af sér vegna óánægjukurrs, að þeir tilnefni BUBBA þetta árið. Hann á það sko skilið.

Til hamingju með daginn

Kæri Bubbi:

Til hamingju með daginn og takk fyrir öll þín lög, þau hafa haldið manni gangandi gegnum tíðina. Skemmtilegur afmælisdagur, 06-06-06.

Sól sól skín á mig.......og okkur hin

Sæl:

Vitið þið að þegar veðrið er svona gott, þá nennir maður varla að hanga inni. 'Eg er búinn að taka saman sunddótið mitt, ætla að skreppa í sundlaugina í Hveragerði, liggja þar, bregða mér svo í Bónus, uppáhaldsverslun mína, og svo kíkja á einhverja sýningu og enda daginn á Kaffi Krús. Sjáum svo til með kvöldið, langar ógeðslega á tónleika með  Hjálmum á Nasa í kvöld. Svona verður dagurinn í hnotskurn, enda verður maður að nýta hann vel miðað við daginn í dag. Njótið dagsins.

Helgin í hnotskurn

Var á flakki kosningahelgina. Kíkti á Þingvöll á laugardaginn, frekar dumbungslegt yfir. Gekk upp með Almannagjá, kíkti í þjónustumiðstöðina Hakið, og rölti svo aftur til baka. 'A sunnudegi brá ég mér í bíltúr til Hveragerðis, og kíkti á bæinn. Tók eftir því að gróðurhúsin eru hvert á fætur öðru að hverfa. Brátt munu þau tilheyra fortíðinni. Annars athyglisvert að keyra um Hveragerði og virða fyrir sér stórar lóðir með hálfgerðum sumarbústöðum. Hver lóð er kannski hektari að stærð, grasi gróin og þakin trjágróðri. Svo var helgin tekin í afslöppun, með því að kíkja á til að byrja með High Fidelity með Jack Black og John Cusack. Skipti svo yfir í Waking up Ned, bresk mynd, uppfull af húmor.

 

Er Mogginn í felum?

Sæl verið þið.

Þá eru kosningar afstaðnar, sumum til mikillar gleði öðrum til ógleði. 'Eg kaus allavega rétt núna, fyrir fjórum árum sá ég eftir atkvæði mínu, en ekki núna. Að vísu var þetta utankjörstaðakosning, og kom eiginlega á óvart, þegar fulltrúi sýslumanns benti mér á að ég þyrfti að koma atkvæðin  mínu sjálfur til skila, þ.e suður. 'Eg leysti þann vanda og fór á viðeigandi kosningaskrifstofu og kom því þangað. En hvað gera menn sem eru staddir í útlöndum, ef þetta ákvæði gildir þar? Kaupa þeir flugfar fram og til baka með Iceland Express? Spyr sá sem ekki veit.

 Hafið þið séð nýbyggingu Moggans í Hádegismóum hjá Rauðavatni? 'I fyrsta lagi, ekki lengur þessi hallarbragur eins og var á byggingunni í Kringlunni, og í öðru lagi þá lítur þessi bygging út eins reynt sé að fela hana með skæruliðaáferð, ekki ósvipað fatnaðinum frá Army.is. Tók mynd af byggingunni. Kíkið á.

Er sunnudagsblaðið komið?

Shellskálinn Stokkseyri, laugardaginn 27 maí 2006, vindur kona sér inn, og spyr afgreiðslustúlkuna þessarar spurningar: Er sunnudagsblað Fréttablaðsins komið út? Þarf að segja meir? Greinilegt að kosningaspennan er að yfirkeyra suma. Munið að kjósa rétt.

Myndir sem gleymdust

Birti hér myndir frá heimsókn minni annarsvegar í 'Oðinshús á Eyrarbakka, og svo heimsókn til feðginanna, Elfars Guðna og Elfu Söndru á Stokkseyri í Hólmarastahúsinu. Einnig eru myndir frá sýningu rússnesku myndlistarkonunnar, Lödu Cherkasova. Kíkið á.