Og var gaman?

Jæja.

Þetta finnst Færeyingum fyndið, eins og Pólverjum þegar íslendingar segja jæja. Við erum jæja þjóðin að þeirra mati. En allavega, maður er kominn heim, í rigningarsudda og er svona að vinda ofan af sér ferðanúninginn og raða saman minningunum úr ferðalaginu. Var að hlaða myndirnar úr ferðalaginu inni á tölvuna í gær og fékk nettan söknuð til Færeyja. Klassíska spurning vina og vandamanna er eins og fyrirsögnin gefur til kynna. Já það var gaman, að upplifa færeyskt samfélag, venjur og  umhverfi. Fyrstu dagarnir á nýjum slóðum eru alltaf erfiðir, ef maður hefur ekki unnið "leg work" sitt, það er að vera búinn að kynna sér þær slóðir sem ferðast er til. Vill nefna til sögunnar heimasíðu Lonely Planet, og bendi í því sambandi sérstaklega á  link sem heitir Thorntree, en þar er hægt að kanna ástandið á þeim slóðum sem ferðast er til. 'Eg komst að því í Færeyjum, að misjafnt var hvar ég get notað debetkortið mitt. 'Eg gat tekið aðeins einu sinni útúr hraðbanka, sem eru til dæmis opnir frá 6 á morgnana til klukkan tólf á kvöldin, eitt af mörgum atriðum. Þegar verslað var í verslunum sem notuðu posa, þar sem kúnninn stimplar inn pin númerið sitt, þá virkaði kortið. Ekki á hótelum, börum eða neinum stöðum sem höfðu hefðbundna posa eins og tíðkast á 'Islandi. 'Eg þurfti að egna saman starfsmanni Færeyja Banka og Glitnis á 'Islandi á mínum fyrsta degi þegar ljóst var að ég yrði peningalaus í Færeyjum. Þá flug orð eins og Swift, Code og Transfer action fram á milli landanna og síðan var þetta spurning um hvor bankinn veitti bestu þjónustuna. Glitnir vildi láta mig borga 2000 kall fyrir að fá pening fluttan með hraði í Færeyja banka samdægurs, en 800 kall ef ég biði í þrjá daga. 'Eg hugsaði málið, gekk út fór í næstu verslun með posa fyrir kúnnann og gat notað kortið. No way Hosé.

Veittum því einnig athygli að skilti frá helstu skyndibitakeðjum heims tröllríða ekki færeysku landslagi. Eina skyndibitakeðjan sem fest hefur rætur sínar í Færeyjum er Burger King. 'A Burger King er hægt að rekast í SMS verslunarmiðstöðinni, sem reyndar lítur út fyrir að vera  verkstæðisskemma en verslunarmiðstöð. Afturámóti er Bónus víða um Færeyjar, og hið gamla verslunarnafn Mikiligarður og Samkeyp eru einnig til staðar.

Uppúr stendur greiðvikni og þægilegheit Færeyinga, boðnir og búnir með bros á vör til að afgreiða mann. Við kynntumst aðeins tveimur leiðinlegum Færeyingum í allri ferðinni. 'I næsta bloggi ætla ég að kynna til sögunnar, Gerrie frá Hollandi og Alfred frá Skotlandi.

Meira síðar.