'A móti straumnum-heim frá Færeyjum.

Jæja, eins og glöggir lesendur sjá þá er þetta blogg skrifað með íslenskum stöfum, sem gefur til kynna að höfundur er kominn heim á heimaslóðir. Eftir 14 tíma siglingu með Norrænu í gær, sem var troðfull af eftirvæntingarfullum Frökkum, og inn á milli allstórum hópi af 'Islendingum með innkaupapapoka, samkvæmt venju landans, var tekin höfn á Seyðisfirði, eftir átakalausa siglingu. Við tók hin klassíska bið, að bíða eftir því að komast niður á bíladekk, bíða eftir því að keyra útúr skipinu, bíða eftir að vera helypt út af hafnarsvæðinu, og til allrar óhamingju og furðu að vera svo tekinn í tekk af lögreglu og tollgæslu, þar sem fíkniefnahundur þefaði af ryðguðu Toyotunni og lögreglumenn þrýstu á poka og pinkla, vinsamlegir og með góða skapið í lagi, þrátt fyrir mikið álag og fjölda bíla sem biðu eftir því að vera teknir í gegn. En okkur var hleypt i gegn, svefndrukkin, sólbrennd, og frekar þreytt eftir siglinguna. Við köstuðum kveðju á Seyðisfjörð, það litla sem við sáum af honum og héldum áleiðis til Egilsstaða, sem þangað komið var að drukkna undan ferðamönnum, ´húsbílum, tjaldvögnum og allskyns tungumálahrogni, í bönkum og fleiri þjónustufyrirtækjum. Alger bongóblíða var á Egilsstöðum og eftir að hafa fengið sér næringu, sem var ískalt Pepsi Max með rétta bragðinu, ólíkt því sem við höfðum drukkið í Færeyjum, þá lögðum við af stað áleiðis til Reykjavíkur, enda beið okkar beggja atvinna framundan.  Til að gera langa sögu stutta, þá tók keyrslan til Reykjavíkur stytttri tíma, en þegar við lögðum af stað áleiðis til Færeyja fyrir hálfum mánuði síðan.  Enda hugsuðum við undir áhrifum Pepsi, been there, done it, seen it, þannig að við komum í regnblauta Reykjavík kringum kvöldmatarleytið, eftir að hafa haft þjóðveg 1 í suðurátt alveg út af fyrir okkur, möglunarlaust, enda landinn á austurleið þar sem sólin skein, samkvæmt kenningunni, ég fer í fríið, þar sem sólin er. Skrýtin tilfinning að vera á leið heim úr fríi þegar meirihluti landsmanna er á leið í fríið. Svona er lífið í dag. Meira seinna.