Magnaður Magni

Jæja:

Þá er maður kominn inn í íslenskan raunveruleika, en það mun standa stutt þar sem ég er að leggja grunninn að því að flytja til Danmerkur og leggja stund á margmiðlunarnám næstu tvö ár eða svo. Er eiginlega búinn að fá upp í kok,íslenskt samfélag, svona í skömmtum, það er ágætt að búa hérna og allt það, en maður er farinn að verða alltaf þröngsýnn. Því er nauðsynlegt að víkka sjóndeildarhringinn og skoða nýja siði og venjur. Mun þó halda áfram að pára þetta tilgagnslausa blogg mitt, til  minna þöglu aðdáenda, sem geta ekki á sér heilum tekið ef þeir fá ekki eitthvað tilgangslaust kjaftæði frá mér og fleirum.

Jæja, þetta fer að verða Magnað með hann Magna. Hann er að standa sig alveg frábærlega, tekur ekki þátt í þessum hanaslag, virðist frekar vera vinur allra og tilbúinn til að aðstoða hina keppendurna. Vinnur örugglega fullt af stigum út  á þetta og svo síðasta útspilið þegar konan hans og sonur hlýddu á hann syngja í síðasta þætti. 'Afram Magny, eins og þáttastjórnandinn kallar hann.

Og að lokum, hvar eru íslensku mótmælendurnir sem eiga að vera mótmæla eyðileggingu landsins við Kárahnjúka,  hvað er verið að draga einhverja útlendinga  upp á heiði til þess að mótmæla fyrir náttúruvæna íslendinga sem láta svo ekki sjá sig? Er þetta ða verða land þar sem útlendingar vinna vinnu okkar og mótmæla fyrir hönd okkar, af því að við erum svo upptekin í hrunadansinum um lífsgæðakapphlaupið? Gleymið því að mótmæla ef þið hafið ekki dug eða áhuga til þess, þetta eru hvort sem er tilgangslaus mótmæli, það er búið að reisa stífluveggin, það er verið að reisa álverið, wake up dudes!