Skúbb

Hilsen öllsömul:

Fyrir þá sem þekkja ekki til orðsins "skúbb" þá þýðir það einfaldlega að vera fyrstur með fréttirnar, og hafa forskot á hina miðlana. Þetta virðist mér hafa tekist þegar ég fjallaði í bloggi mínu um biskup einn  hér í Danmörku sem vildi meina að allar þær veðurbreytingar sem eiga sér stað í náttúrunni,  séu merki þess að senn styttist í dómsdag. Þetta vakti náttúrulega mikla athygli hér í Danmörku, og greinilega hefur athyglin smitast til 'Islands, því að sem ég sat og horfði á fréttirnar í Ríkissjónvarpinu í gærkvöldi, sem senn breytist í OHF, var að velta fyrir mér hvað þessi skammstöfun þýddi, kannski ofurhlutafélag, jæja, þá birtist frétt um þennan sama biskup og með innslagi fréttamanns um ræðu biskups. 'EG bara glotti út í annað, enda hef ég ekki orðið var við að aðrir miðlar heima hafi fjallað um þetta. Og reyndar er þetta í annað sinn sem ég glotti því fyrir skemmstu var fjallað um netheiminn SecondLife og hnýtt saman við leikinn EveOnline, þar sem einmitt var verið að fjalla um óljós skil raunheima og netheima.  Þar sem ég einmitt hafði verið að koma með punkta um þetta þá fannst mér þetta bara nokkuð gott. Datt einmitt sú hugsun í hug hvort þeir hjá RUV væru farnir að lesa pistlana mína, svona í laumi, þið vitið. Þannig að núna leggst maður bara í enn meiri lestur og sér svo hvað gerist.

Að lokum. Fyrir skemmstu kvartaði einn lesandinn þessarrar síðu, sem senn nálgast það að 1.000 lesandinn  lesi hana, að gaman hefði verið að geta stækkað myndirnar af henni Birgittu. Hann vildi sjá hana stærri. Því dró ég fleiri myndir af Birgittu úr safninu og hendi þeim hérna inn. Reyndar mun síðan verða albúm með þekktum sem óþekktum módelum, sem menn geta rýnt í svona ef þeir nenna ekki að lesa allan þennan texta. Muna bara að það er bannað að nota copy og paste. 

Hilsen að sinni.

 

Kaninn jórtrar danskt

Hilsen:

 Hefur einhver lagt á sig að reyna að finna út hvert óþekk(t)a módelið var, sem myndað var í Tunglinu?

Svona til þess að auka á spennuna, þá birtist svarið neðst í botni þessa bloggs.

Nú jæja. Maður getur stundum verið léttgeggjaður og um daginn skaut þeirri hugsun upp í huga minn að ákveðin tískubygja varðandi smáhunda, eða "töskuhundarnir" sé ákveðinn angi af móðurlegri þrá. Einnig er þessi tilhneiging til að kona velji sér smáhunda og mennirnir stærri hunda ákveðin afmörkun á hugsanagangi. Reyndar hef ég séð margt gamalmennið hér á götum úti með tvo smáhunda í bandi, þannig að þetta virðist skarast eftir kynslóðum. En nú kemur að pælingunni varðandi þetta.

Manni finnst að þessi tíska með að ganga með einhverja smáhunda í tösku sé eiginlega undirbúningur fyrir ungar stelpur seinna meir til að eignast barn og skynja það hvernig er að hugsa um annan einstakling en sjálfan sig. Þó að þetta teljist tískufyrirbæri að fara með kvikindið hvert sem er á mannamót, út að versla eða á næturlífið, þá er þetta dulin tilfinning fyrir því að sýna ábyrgð seinna meir í lífinu. Að vís finnst maður þetta farið að ganga út í öfgar þegar hundurinn er betur klæddur en eigandinn. Þó á sér ákveðin skörun einnig  varðandi eldri konur sem ganga um með gjammandi smáhunda sem vita ekkert skemmtilegra en að sýna í sér tennurnar bara til að sýna hver hefur höglin og taglirnar þegar kemur að valdinu. Oftast nær eru þessi dýr svo taugaveikluð fyrir að það liggur við að það borgi sig frekar að eiga páfagauk, hann getur allavega svarað í talhólfið  á meðan maður er í baði. Hvað varðar eldri konur með smáhunda í tösku þá held ég að það sé þrá eftir að annast ungabarn á nýjan leik. Þó er það betri kostur að ganga um með hund í rándýrri tískutösku, en að ýta á sér undan barnavagni og vera fyrirferð í almennri umferð. Þar að auki þarf ekkert að hugsa um bleyjuskipti, aðeins að venja hundinn við og þá er málið í höfn.

Svo er annar flötur á þessu, að þegar karlmenn eru að passa töskuhundana, að  þeir eru ávísun á að slá upp kynnum við einhverjar dömur, enda falla þær í flesta stafi yfir "krúttinu" sem þú ert með á gangi á göngustígum borgarinnar. Hef reynslu af þessu, þegar ég var beðinn að hugsa um einn slíkan fyrir tveimur árum, nánar tiltekið 17. júní 2004. Hundkvikindið vakti ekki smá athygli og hver daman á fætur annarri var nánast óstöðug í gangi þegar hún mætti mér með "krúttið".

Og svona í lokin. Karlmenn og stórir hundar. Það er óþarfi að eyða miklum orðum í þetta, þetta er svipað og goðsögnin um stóra jeppa og litla kalla með..................undir sér. Eflaust er þetta hluti af valdastrúktúr mannsins að sýna vald sitt með stórum hundi, því að töskuhundarnir verða alveg stjörnuvitlausir þegar þeir rekast á einn slíkan.

En þetta er nú bara pæling, ekkert vísindalega sannað, að eins hugsanagangur hversdagsins.

Nú þá kemur að fyrirsögninni. Var að lesa um daginn að danskt framleiðslufyrirtæki í Velje, Fertin að nafni hefði hlotið þann mikla heiður að framleiða allt að 32 milljónir pakka af tyggigúmmí, fyrir andviðir 50 milljónir danskra króna. Kaupandinn að þessarri framleiðslu er enginn annar en bandarríski herinn sem ætlar að dreifa þessu meðal bandarrískra hermanna  í 'Irak og Afghanistan á næstu mánuðum. Eflaust hvarflar að mönnum að áður en kaninn byrjar að misþyrma eða murka lífið úr einhverjum meintum hryðjuverkamönnum að þeir stingi einni plötu af Wrigleys upp í sig, áður en blóðbaðið hefst, enda arfleifð frá tímum kúrekanna sem drápu mann og annan jórtrandi tyggigúmmí,  á meðan þeir drituðu niður liðið með sexhleypunni. Nei, kannski aðeins fjarri þessum raunveruleika þó ekki sé það skjalfest. Nei tilgangur þess er sá að hermenn hafa meira en nóg að gera við að hugsa um stríðstól og stríð, án þess að þeir þurfi að stoppa og tannbursta sig áður en lagt er af stað í orrustu. Það er örugglega ekki gott að vera drepinn með andremmu, nógu illa lyktar maður seinna meir. Þannig að tilgangur tyggjósins er semsé að hreinsa munninn af  bakteríum sem eyða upp tönnum og um leið að hindar tannholdsbólgu. Bandarríski herinn rekur reyndar sjálfu sín eigin rannsóknastofu í þessum efnum og hefur þróað efnið sem danska fyrirækið mun síðan setja í framleiðslu sína. Og að sjálfsögðu eru hermennirnir tilraunadýr í þessu samhengi, og telja menn innan hersins að ef vel gangi, að innanvið 7 eða 8 ár muni þetta tyggjó koma á almennan markað.

Þar að auki hefur dansak fyrirtækið Fertin þróað mótefni gegn syksursýki og ofnæmi og mun það að líkindum verða sett í tyggigúmmíið. Aðal framleiðsla Fertin hefur verið framleiðsla á nikótíntyggjói og eitt er víst að ef þessi framleiðsla stenst allar kröfur þá eru þeir komnir á græna grein. Verður spennandi að sjá hvernig tekst til

Þó kom upp sú hugsun við lestur þessarrar greinar. Væri ekki sniðugt fyrir þetta fyrirtæki að selja framleiðslu sína einnig í Arabalöndum þar sem danir eru ekki hátt skrifaðir vegna Múhameðsteikninganna, þannig að heittrúaðir þar niður frá geta þá tuggið af miklum ákafa þetta dansk/bandarríska tyggjó og síðan spýtt því útúr sér þegar þeim er misboðið. Það myndi allavegana vera minna um uppþot að mínu mati.

Jamm. Jæja. Nú svarið varðandi þetta óþekk(t)a módel er  að hér er sjálfur Páll 'Oskar að sýna fötin hans Alonso með "stæl" í Tunglinu forðum daga.

Að lokum kemur mynd af einu óþekk(t)u módeli. Myndin er tekin í Slippnum við Mýrargötu og var svona tilraun til að selja myndaseríuna í Samúel sem var helsta karlablaðið á sínum tíma. Man ekki hvort ÞJM hafi keypt myndirnar, minnir eiginlega að honumhafi ekki litist á gæsahúðina á vissum stöðum. Menn verða að dæma sjálfir.

Hilsen.

Dómsdagur

Hilsen:

 

Er hann með öllum mjalla? Hefur vinnuálagið við brúðumyndina endanlega rænt hann öllu viti?

Von að menn spyrji. En enn á ný enn ein af þessum sláandi fyrirsögnum, frá höfundi þessarrar bloggsíðu. Loksins hefur gefist tækifæri til að líta í blöðin, þó um tíma leit út fyrir að bæði tölva og nettenging væri farin fjandans til. Nettenging lá reyndar niðri þar sem hið frábæra A+Arrownet átti við einhverja tæknilega örðugleika að stríða. Síðast tók það c.a 5 daga að hysja netið upp fyrir örvæntingarfulla nemendur sem næstum voru búnir að tapa vitglórunni og almennum sans fyrir lífsins gæðum og tilgangi  þegar þeir gátu ekki lengur talist meðal manna í netsamfélagi alheimsins.

Nú brá svo við að vandinn var leystur strax. Enda færri stúdentar á garði núna en fyrir áramót, enda er þetta eins og tíu litlir índíánar núna, einn á dag fer vegna þess að viðkomandi hefur klárað kúrsinn. Einn af betri vinum mínum, sem kom mér í hlutverk glæpons í ósýndri mynd fékk þau skilaboð frá skólanum þess efnis að hann væri eini nemandinn í áfanganum eftir áramót, þannig að sá bekkur var lagður niður og  Sebastian vinur minn er þessa dagana að pakka niður til að flytjast aftur tilbaka ti Þýskalands, í wienerbröd og franfurtara og  6 tíma akstur frá miðborg Munchen til að komast í óspillta náttúru. Enda finnst honum það synd og skömm, búinn að kynnast þýskri fraulein hér,  og þarf nú að flytjast tilbaka, frauleinin eftir í Danmörku og hann fjarri henni næsta hálfa árið á meðan hún klárar áfangann.

Jamm. En ég er kominn af leið. Ætlaði að fjalla um dómsdagsræðu eina sem haldin var í kirkju einni í Danmörku.

En smá forsaga á undan. 22.október 1844 sátu yfir ein milljón ameríkanar á  húsþökum víða um Ameríku og biðu dómsdags. Margir gleymdu að yrkja akra sína yfir þessum tíðindum og þegar ljóst varð að ekki yrði dómsdagur þann dag tók við hungursneyð.  Vottar Jehóva hafa ekki síðan 1975 predikað dómsdag, en að mati safnaðarmeðlima getur það gerst hvenær sem er. Síðustu spár varðandi dómsdag voru bundnar við árið 2000, en eins og menn vita erum við ennþá á lífi, þannig að eitthvað hafa þaær spár brugðið til beggja vona.  Margir meðlimir Satanshreyfinga  horfðu til dagatalsins, afmælisdagsins hans Bubba, 06.06.06, en ónei enn erum við á lífi.

Næstu spár varðandi dómsdag eru miðaðar við 21.desember  2012, þegar sólin og fylgihnettir hennar munu brenna upp.

Geðslegt ekki satt?  Eins gott að ég verði búinn að ljúka náminu fyrir þann tíma. Til sögunnar er kvaddur biskup einn, frá sókninni Lolland Falster, Steen Skovsgard að nafni sem í sunnudagspredikun sinni fyrir skemmstu lýsti því yfir að hitafarsbreytingarnar sem eiga sér stað um þessar mundir eru merki þess að senn muni líða að dómsdegi. Til marks um orð sín vísar hann í orð Jesús þess efnis  þegar hann ræddi við lærisveina um það að á efsta degi muni grípa menn hræðsla og óvissa þegar  hafið og jörð byrja að brenna. Yfirlýsing biskups varð til þess að allar símalínur voru eldglóandi hjá honum og hann mátti hafa sig allan við að útskýra fyrir hræddum og ráðvilltum sóknarbörnum sínum að endalok væri ekki fyrir mánaðamót, að því er hann best vissi sjálfur. Hann vísaði til þess að jafnvel Jesús sjálfur hefði ekki getað tímasett endalokin. En nú hafa orð biskups ollið slíkum misskilningi að menn tala um ragnarrök. Biskup sjálfur vill meina að  tilgangur orða sinna hafi einfaldlega verið sá að  tala um gildi dómsdags þegar Jesús stígur til jarðar og dæmir lifendur og dauða, og  í því felist eftirvænting og gleði fyrir syndlausa. En menn spyrja biskup á móti hvort menn eigi þá einfaldlega að horfa framhjá áhrifum koltvísýringmengunar. Það finnst biskupi ótækt og hvetur að menn eigi að lifa í núinu á meðan þeir draga andann, en samt gæta að núinu og um leið að hugsa fram á við.

Sjálfum finnst Skovsgaard með eindæmum sérstakt að gras og blóm skuli spretta. 'I því sambandi hefur verið vísað til þess að Jesús hafi sagt að á síðustu tímum muni jörðin verða fyrir öflugum áhrifum. 'I nýja testamentinu sé talað um að menn muni rísa upp gagnvart hverjum öðrum, lönd munu rísa gegn hvort öðru  og mörgum stöðum muni ríkja hungursneyð og jarðskjálftar.

Inna dönsku þjóðkirkjunnar eru nokkrar hreyfingar sem hafa rætt mikið um tilkomu dómsdags og helstar eru hreyfingarnar Innri Hreyfingin og Lútherstrúboðið. sem hafa séð mörg teikn þess að dómsdagur nálgist. Og jafnvel prestar utan þessarra hreyfinga hafa tjáð sig um að breytingarnar sem eigi sér stað í náttúrunni geti ekki talist vera eðlilegar. Einn prestur hefur stigið fram og sett sín sjónarmið í þessu, Stig Christensen sem er sóknarpestur í Sönderborg. Hann vill meina að í ritningum Nýja Testamentisins, megi finna lýsingar á endalokum mannkyns, þar sem segir ein af helstu táknum dómsdags eru breytingar í náttúrunni. Fleiri hafa ekki viljað taka svo sterkt til orða, og frekar viljað milda umræðuna, en eitt er víst, framundan eru breyttir tímar hvað varðar hitastig og veðurfar. 

Eftir að hafa lesið þessa dómsdagsræðu þá hvarflar sú hugsun að manni, að kannski hefði maður átt að velja sér skóla í fjallendi, end Danmörk flatt með öllu og  miðað við spár þá muni vatnsborð sjávar hækka þetta um c.a sentimeter á ári. Það er þegar farið að sýna sig, miðað við óveðrið sem gekk yfir Þýskaland, Svíþjóð og hluti af Danmörku.

Svona í lokin, á meðan ég man. Var ekki blásið í einhverja herlúðra heima fyrir nokkrum árum með Hjálmar 'Arnason þingmann þess efnið að gera 'Island að fyrstu þjóð veraldar sem styddist við vetni fyrir bíla og skipaflotann. Eflaust svipað og þegar Framsóknarflokkurinn ætlaði að gera Ísland eiturlyfjalaust árið 2000. Vantar ekki kjaftinn á þessum köllum, en lítið um efndir, bara skipt út þegar málin verða óþægileg. Ekki satt?

Hilsen

Hendi inn einni  mynd af "óþekku" módeli, landsþekktur sem söngvari og margt annað. Reynið að geta hver þetta er. Myndin var tekin í Tunglinu sáluga, á einni af frægari tískusýningu Alonzo sem var eitthvað heitt nafn um tíma, einfaldlega vegna þess að hann var giftur einni íslenskri.

 

24/7

Jæja komið þið sæl:

 

Loksins getur maður litið til sólar, þó reyndar örli ekki á henni eins og er, rok og rigning, og spáin gerir loks ráð fyrir vetrarkulda, þetta 1-5 gráður næstu daga.

Jæja, þetta er búið að vera meiri stresskastið, manni hefur liðið eins og verið væri að klippa mynd fyrir sjálfan Spielberg eða Lucas. Finnst það reyndar merkilegt sjálfum, að maður eins og ég (Jón Gnarr í samnefndri mynd) skyldi á örfáum dögum öðlast slíka eldskírn í tveimur klippiforritum eins og Final Cut HD og Adobe Premium P2 að mig minnir. Segi ekki að ég sé á leiðinni til Hollywood, það er miklu meira á bak við þessi forrit en bara að splæsa saman myndskeið. En reynslan er fyrir hendi, enda munum við á þriðju önn læra einmitt um þessi forrit. Veit ekki hvort ég hef minnst á það, en ég er kominn með aðra löppina innandyra í FamilieKanalen eftir að hafa "rústað" harða diskinum þeirra. Framundan er helgarvinna við klippivinnu.

Það er eins gott að þessu fer að ljúka, enda var komið svo að taugar kvenna og karla voru orðnar ansi spenntar, allavega í mínum hópi. Veit ekki um hina hópana, enda hefur maður verið í hálfgerðri "sóttkví" undanfarnar 3 vikur. Enda var maður orðinn frekar óásjálegur, með blóðhlaupin augu, órakaður, matarlystin takmörkuð, hárið eins og eftir fingrapot í innstungu og maður sjálfur trekktur og stressaður. En nú fer að sjá fyrir endann á þessu. Við tekur annað verkefni, vonandi ekki eins stórt í sniðum og þetta, en allavegana annar vinkill á því. Meir um það seinna.

Langaði að minnast á það að stundum finnst maður grasið grænna hinum megin, og í orðsins fyllstu merkingu er grasið grænna hérna, enn sem komið er, enda hefur þetta verið enginn vetur fram að þessu. En það sem ég á við, að maður heldur að lífið sé alltaf betra annarsstaðar, önnur menning, annað launakerfi, annað viðmót og slíkt. Vissulega hefur margt komið á óvart hérna og er varla pláss í þessum pistli að fjalla of mikið um það. Matarverð er hagstæðara hérna, fyrir eru margar lágvöruverslanir með gnótt af vörum, reyndar var ein íslensk í bekknum að minnast á það að lítið ber á amerískum vörum hérna í mörgum verslunum, frekar danskar vörur í meirihluta, eins og ostar, kjötvörur, og svo þetta smálega eins og sósur og fleira. Nú svo eru ekki mikil umræða um vatnsaflsvirkjanir hérna, umræðan snýst frekar um alla  innflytjendurna sem flytjast hingað unnvörpum, margir hverjir koma hingað eftir að hafa verið lofað gulli og grænum skógum, en enda á því að hírast í einhverjum kofum á ökrum eða lóðum 20 eða fleiri saman, og litið niður á þá af Dönum, enda aðeins verkamenn. Svo eru náttúrurlega mörg ofbeldisverk framin hérna, manni finnst meira um það að hér ríkir ákveðið villta vesturs, það er að segja í Kaupmannahöfn, þar sem margir innflytjendur freista þess að ræna eins sakir standa, gullsmiðaverslanir. Fyrir skemmstu freistuðu þrír serbar þess að ræna einn gullsmiðinn á Strikinu, en gullsmiðurinn kallar ekki allt ömmu sína í þeim efnum og tók skammbyssu og skaut tvo þeirra, særði þá báða, en sá þriðji komst undan á flótta. Umræddur gullsmiður hefur á undanförnum 12 árum verið rændur 6 sinnum og var orðinn langþreyttur og ákvað því að hafa skotvopn tiltækt ef menn freistuðu þess að ræna sig frekar. Umræðan eftir á hefur snúist um það hvort réttlætanlegt sé að kaupmenn og aðrir geti sisvona varið hendur sínar með skotvopni, þar sem alltaf er sú hætta fyrir hendi að slíkt geti snúist upp í skotbardaga og saklausir vegfarendur lent í miðri skothríð.  En svona er Danaveldi í dag. Nýjsta umræðan er sú að varnarmálaráðherra hefur orðið uppvís að því að hafa logið þess efnis að dönsku hermennirnir sem færðu íraska fanga til yfirheyrslu hjá Bandarríkjamönnum hafi ekki verið með danska fánann á herbúningum sínum, en nú hefur annað komið á daginn, þar sem myndskeið úr umtöluðustu heimildamyndinni um 'Iraksstríðið sýnir það glögglega að einn af umræddum hermönnunum er einmitt með "dannebrog" fánann á vinstri handlegg. Nú er ekkert annað fyrir varnarmálráðherrann en einmitt það að snúa sókn í vörn, vinna fyrir brauðinu sínu og sleppa vel frá þessu með aðstoð spunameistara síns.

Að lokum, hér eru myndir af "óþekk(tu) módelunum mínum, en ástæðan fyrir því að ég kalla þau slíku nafni er sú að nöfnin hafa týnst, eða ég einfaldlega gleymt að skrásetja þau.  En hér eru myndir sem teknar voru í sambandi við rokkhátíð sem haldin var á sínum tíma og það vantaði að haf svoldið "lúkk" á plakatinu.

Nú er tími kominn á slottara, og svo einn dökkan Harboe, algert piss, en góður inná milli slottara.

Hilsen.

Einn af þessum dögum

Sæl verið þið:

Kannast ekki allir við daga þegar allt gengur á afturfótunum? 'I dag var einmitt slíkur dagur. Hann byrjaði vel, dreif mig á fætur, hjólaði glaður í bragði niður í FamilieKanal, þar sem ég hef  eytt undanfarið  dögum saman við að filma og klippa til dúkkumyndina, sem hefur kostað ýmsar umræður um gildi þess í náminu og heitar umræður. En allavega þá gerist það að eftir að hafa klippt saman erfiðustu skeiðin, fundið réttu tónlistina og eina sem eftir var að setja upp grafíkina, að þá gerist það að þegar ég er að flytja fartölvuna yfir á  annað borð, að snúrurnar í harða drifinu losna frá og þegar reynt var að starta upp efninu sem var á tölvunni, þá kom bara hljóð eins og í þjófavarnarkerfi. Þetta er náttúrulega slæmt þar sem mestallt efni FamilieKanal var á þessu harðdrifi og þetta er því meiri skaði en þó eitthvað atriði með dúkkunum tapist

 

En svona er lífið. Svo er maður náttúrulega að berjast við dönsk skattayfirvöld, þar sem ég virðist hafa verið með rangt skattkort í gangi, sem olli því að við síðustu útborgun hirti skatturinn ansi mikið af laununum mínum. Góð byrjun á nýju ári, en maður er nú ýmsu vanur í þeim efnum.

Til að leiðrétta úr síðasta bloggi varðandi að öll verkefni verða ekki notuð, þá var meiningin önnur, en hún er sú að sum koma til greina en önnur er spurning um framhaldið á.

Læt þetta nægja að sinni, þarf að rjúka í Nettó, kaupa eitthvað til að narta í til að dreifa huganum eftir þennan dag, og slaka á og undirbúa mig fyrir morgundaginn, enda lokadagur á föstudaginn.

Öll samúðarskeyti eru afþökkuð eins og er, en frjáls framlög eru vel þegin svo maður geti nú slett úr klaufunum eftir föstudaginn.

Því miður engar myndir af íslenskum módelum, hef einfaldlega ekki haft tíma til þess. Bæti úr því eftir helgi, ásamt smælki um goðið ótrúlega Chuck Norris. Eflaust verður myndað hérna líka sálfræðihorn til að takast á við vandann.

Hilsen 

Önnum kafinn

Sæl verið þið:

Langt um liðið síðan maður reit síðast hugrenningar og þanka hér á blogginu. Enda hefur maður verið hugann alfarið í tengslum við verkefnavinnuna sem lýkur á föstudaginn kemur. Þegar eru farin að sjást þreytumerki á hópnum, menn eru hættir að raka sig, augun eru að verða blóðhlaupin, skapið er farið að segja til sín, og sumir eru allt í einu orðnir yfistressaðir og hafa allt á hornum sér, varðandi allt og alla. Þó verður að segjast að þessi verkefnavinna hefur skilað manni frekar skemmtilegri sýn á svona víðtæka vinnu sem bekkurinn hefur tekið að sér. Þó eru þessir 4 hópar að pukra yfir verkefnum sínum. þó að þetta eigi að heita eitt sameiginlegt verkefni fyrir þessa einu sjónvarpsstöð, þá ríkir jafnmikil leynd yfir þessu eins og hverju öðru hernaðarleyndarmáli. Þó hef ég það eftir góðum heimildum að öll verkefni munu ekki verða notuð, sökum útfærslu eða lélegrar hönnunar. Vona að ákveðnir aðilar lesi þetta ekki og krói mig af í einhverju skúmaskoti skólans.

En, jæja, bara svona til að halda ykkur lesendum mínum, við efnið þá ákvað ég að henda inn sýnishorni af vinnu okkar,  þó menn hafi skiptar skoðanir á brúðugerð í margmiðlunarhönnun, en þá vill svo til að það er ein í hópnum, sem er svo fjölhæf, að hún varð að knýja það í gegn að búa til brúður, þegar áskjósanlegra hefði verið að gera þessar brúður í animation. En svo varð ekki þetta skiptið. 'Eg sýti það ekki, þar sem ég lenti í því skemmtilega verkefni að mynda brúðumyndina, og svo að klippa myndina í Final Cut, sem er eitt það skemmtilegasta klippiprógramm sem ég hef kynnst. Og nú situr maður, rauðeygður, vansvefta, og hamast við að búa til grafíkina fyrir myndina,enda fresturinn óðum að renna út. Hér á þessarri bloggsíðu ætla ég að setja inn mynd af dúkkunum sem hannaðar voru fyrir barnatímann á umræddri sjónvarpsstöð. Læt þess getið að handritsgerð var í höndum umrædds bloggara.

Hilsen 

 

Here is Chuckie

Sæl verið þið:

Maðu rmá náttúrulega ekki alveg tapa sér yfir allri þessarri íslenskri fegurð. Hef gleymt að minnast á goðið sjálft Chuck Norris og staðreyndirnar um hann. Hér kemur smá skammtur:

1. Chuck Norris bræðir ekki smjör. Hann notar hjólhestaspyrnu á beljurnar og smjörið rennur út. 

2. 'I venjulegu herbergi eru 1242 hlutir sem Chuck gæti notað til að drepa þig með, þar á meðal herbergið sjálft.

3. Grasið er alltaf grænna hinum megin, nema að Chuck hafi átt þar leið um. Þá er grasið oftast nær vott af blóði og tárum.

4. Chuck kallinn gnístir kaffibaunirnar með tönnunum sínum og hitar kaffið með vonskunni sinni.

5. Upphaflegur tilgangur Survivor þáttanna var að mynda hóp af fólki saman á eyju með Chuck. Þða voru engir eftirlifendur og upphaflegi þátturinn var brenndur.

6. Chuck kallinn getur barið snúningshurð í einu höggi.

7. Chuck getur deilt í núll.

8. 'I smáu letri í Heimsmetabók Guinnes stendur að öll met sem skráð eru í bókina eru sett af Chuck Norris. Önnur met eru hinsvegar þau sem komust næst metum Chucks.

Jæja læt þetta nægja að sinni

Hilsen

kv

Gilli 

Nýr stíll, ný stefna, sama andlit

Sæl verið þið:

Maður má ekki  ofkeyra bloggið eingöngu á íslenskri fegurð, þó að af nógu sé að taka. Að vísu mun þetta blogg líða fyrir það að mynd af íslenskri stúlku mun prýða það. Fróðlegt væri að gera könnun hvort menn lesa bloggið eða kíkja eingöngu á myndirnar. Hvað heldur þú lesandi góður?

Jæja, en fyrirsögnin að þessu sinni vísar í saga sem sögð var af Björgvini Halldórssyni, hinum eina sanna Bo Hall, þegar hann var með eitt sjóvið sitt á Broadway og einn úr bandinu hafði farið í svokallað extreme makeover, hvað varðar fatnað og útlit. Að sjálfsögðu varð hann að sýna Björgvini þetta, og Björgvin leit á hann með spekt og sagði síðan. Ný föt, nýtt útlit, sama andlitið  og sama röddin, hver er munurinn? Menn fyrirgefa mér þó að það sé ekki orðrétt eftir Bo Hall sjálfum.

En með tilvísun í þessa fyrirsögn vill ég meina að eftir nærri því hálfs árs fjarveru frá 'Islandi, hvað það sé gott að vera laus við að sjá sömu andlit stjórnmálamanna í dagblöðum og fréttum. Alltaf sömu andlitin dag eftir dag, í hverju þrætumálinu á fætur öðru. Fréttatímarnir og kjaftaþættirnir, Kastljósið og 'Island í Dag og Silfur Egils, alltaf sömu andlitin að troða upp með alltaf eitthvað rýrt kjötmeti til að bíta í og síðan var kjöttægjunum fleygt fram og til baka í fjölmiðlum daginn eftir. Fyrir þessarri upplifun varð ég þegar ég settist niður á gamlárskvöld og hlustaði á Margréti Þórhildur Danadrottningu flytja nýársávarp samkvæmt gamalli hefð. Eftirá tók við nýárskveðja Anders Fogh Rasmussen forsætisráðherra. Og þegar maður les blöðin þá þekkir maður varla haus á sporði í blöðunum, enda held ég að maður sé orðinn ofmettaður af þessu athyglisýki sem ríkir heima hjá stjórnmálamönnum, að troða sér í fjölmiðlaljósið um leið og einhver beljan rekur við.

Sá reyndar um daginn að Siv er kominn með algera nýja hárgreiðslu, hef reyndar verið að reyna að muna hvernig hárgreiðslan var hjá henni áður.

Jæja er laus við flensuna í bili, það eru einhverjar eftirhreytur af henni, en maður er allavegana orðinn rólfær.

Og svo í lokin: Módel dagsins að þessu sinni er Anna Þorsteinsdóttir. Hún var á árum áður mjög eftirsótt módel. Henni kynntist ég í gegnum Filippíu Elísdóttur, og eru myndirnar af Önnu teknar í tilefni fata sem Filippía hafði hannað og vildi fá myndir af, að mig minnir.

 

Módel dagsins: Díana Dúa Helgadóttir

Hilsen:

Það er með veikum mætti sem ég sést við tölvuna hérna snemma morguns, við að henda inn efni á bloggið. Ef menn vilja einhverjar krassandi veikindasögur, þá er eflaust hægt að eyða einhverjum dálksentrimetrum í það, en svona miðað við veikindi undanfarin ár þá eru þetta verstu veikindi sem ég hef lent í. Hálsinn allur þrútinn, mikill höfuðverkur, beinverkir og svo hitavella sem kemur og fer. Með þessu fylgir lítil matarlyst, og svo er maður náttúrulega slappur. Erfiðast er að í kotinu finnst enginn drykkur, hef varla lyst á að drekka slottara núna (slottari: danskur bjór, slots, keyptur í þýskalandi á 30 dkr kassinn) Helst vill maður kalt Pepsi Max, en það er á bannlistanum, en eins og staðan er núna þá myndi ég alveg eins drekka hvaða svaladrykk sem er. Hef ekkert komist út til að versla, skítaveður í gær og ekkert betra í dag. Banka bara uppá hjá félögum mínum og sníki eitthvað kalt að drekka.

Jæja, best að ljúka þessu væli með módeli dagsins. Hún heitir Díana Dúa Helgadóttir, og er ein af frægu Playboy stelpunum sem myndaðar voru fyrir úttekt Playboy á íslenskri fegurð á sínum tíma. Mér var bent á hana þegar ég var einhvern tímann að velja föt í tískuversluninni Motor, sem heppilegt módel. Þá var maður alltaf með augun opin fyrir módelum, og eftir að hafa séð hana, þá var enginn vafi í huga mínum að hún kæmi til greina. 'Eg myndaði hana fyrir Séð og Heyrt og fór myndatakan fram í Hagkaup(um) í Kringlunni. Líkt og með Birgittu var Díana Dúa óþekkt stærð, en eftir þessa myndatöku varð hún fljótt þekkt og Playboy-guttarnir héldu varla vatni yfir henni.

Njótið.

Hilsen 

Módel dagsins: Birgitta Haukdal

Sæl verið þið:

Jæja, þessi flensa hefur alveg lagt mig í bælið, þannig að maður hefur lítð getað notað nefið til að rýna í blöðin, enda nefið fullt af fylgikvillum kvefs. Maður hefur því notað tímann til að hvílast og reyna að lesa en erfitt hefur það reynst þegar kröftugir hnerrar og innihaldið hefur þakið síður bóka og dagblaða.

Semsé, maður er svona smátt að skríða aftur til lífs. Reyni að bæta úr þessu í næstu bloggum, enda þegar maður liggur fyrir þá hlaðast upp allskyns hugsanir sem maður vill koma frá sér.

Hinsvegar ætla ég að gleðja lesendur mína með myndum af "módelinu" Birgittu Haukdal. Myndir þessar voru teknar á árunum 1995-2000, þegar ég bjó fyrir vestan og var öðru hverju að mynda vænlegar stúlkur fyrir Séð og Heyrt. 'A Birgittu rakst ég á Flateyri, þegar hún kom eitt skipti að syngja í karaokee. Þá var Birgitta að vinna á Þingeyri í fiski að mig minnir, og þegar ég innti hana eftir því hvort hún hefði áhuga á að sitja fyrir þá var það sjálfsagt mál. Þá var Birgitta ekki þetta þekkt eins og hún er í dag.  Eins og myndirnar bera með sér er töluverð breyting á Birgittu frá þessum tíma eins og hún lítur út í dag. En glæsileg er hún.

Vill láta þess getið að makeup á flestum módelum hefur Stella Sæmundsdóttir séð um og gert vel.