Hafnfirðingabrandari

Hilsen:

Af hverju hlaupa hafnfirðingar út í gugga þegar þrumur og eldingar eru? Jú þeir halda að það sé verið að taka myndir af þeim.

Vitið þið af hverju Sorpa í Hafnarfirði er lokuð um áramótin?  Það er lokað vegna talningar.

Af hverju standa Hafnfirðingar í fjörunni í byrjun desember? Þeir eru að bíða eftir jólabókaflóðinu.

 

Já maður gæti haldið áfram endalaust með þessa hafnfirðingabrandara, ef ekki væri fyrir þá sök að undirritaður lenti sjálfur í svipuðu og fyrsti brandarinn. 'Eg var að vinna upp í skóla, og sat út við gluggann, þegar allt í einu herbergið lýsist upp af bláum blossa. 'An þess að spá frekar i það, sneri ég mér að glugganum og velti fyrir mér hver væri að taka myndir utandyra. hahahahah. Já svona getur maður verið vitlaus, á skemmtilegan hátt.

Hér er búin að vera vætutíð, svona staðbundin rigning, með hitastigið svona frá bilinu 11-13 stiga hiti, en þið kæru lesendur vitið þetta þegar núorðið. Enda sýnist mér að vetur komi seint hérna, en eflaust þegar hann kemur þá er það með látum.

Var að hlusta á Bylgjuna og heyrði að Gulli Helga var að tala við að ég held, Þorvald Flemming sem býr í Danmörku. Þorvaldur þessi var að segja Gulla frá því að þegar kæmi að jólum, þá væri hann fyrsti maðurinn sem kveikti á jólaseríunum utandyra, þann 1.nóvember. Að því er hann best vissi væri hann eini maðurinn sem væri svona snemma á ferð. Hér er varla farið að örla á jólaskreytingum í glugga, aðeins í miðbænum sem jólaljóseríurnar eru komnar upp.

jæja, þetta verður stutt, er á leiðinni í afmæli á nálægum kollegium. Meira um það seinna og ýmislegt annað smælki, sem þrátt fyrir það er áhugavert.

Hilsen

Gilli

Uppfyrir haus

Hilsen:

Þessi verður í styttra lagi, enda nóg að gera hjá kappanum þessa dagana, hann er sestur í alþjóðlega nefnd um hvort eigi að stytta skeggið á alþjóðlega jólasveininum og einnig hvort réttlætanlegt að hvert land þjóni sem fulltrúi sveinka fjögur ár í senn.

Nei, svo gott er það ekki. Ég er afturmóti sestur í nefnd um alþjóðlegan dinner, þar sem hvert þjóðarbrotið kynnir rétti frá sínu landi, svona fingrafæði, plássið leyfir ekki meira. Við höfum aðeins haft tvær vikur til að skipuleggja þetta, þanig að það er um nóg að hugsa.

Nú síðan er skemmtilegheit í skólanum, ein af þessum frægu þema vikum, núna erum við að vinna við þemað hvað varðar bækling fyrir fyrirtæki, fyrirtækjahausa og fleira í þeim dúr.

Nú og svo er það blessuð vinnan, brauðstritið fylgir með líka, þannig að maður óskaði þess að hægt væri að samþjappa 48 klst i 24 klst svo maður næði að komast yfir allt. Hey, NASA, hvernig stendur á því að þið eruð ekki búnir að gera eitthvað í þessu? Hvenrig ætli vinnutíminn sé út í geimnum, og fyrir utan að fanga einhverja hnullunga úr  andrúmsloftinu, hvað gera menn í frítímanum, lesa þeir Séð og Heyrt, eða glápa á einhverjar galaxy klámmyndir? Sorry fór aðeins á flug hérna.

Jæja, þetta er orðið lengra en tilskipun frá hinu opinbera. Eitt að lokum, sá að visir.is var að breyta um útlit, ágætt, tekur aðeins tíma að venjast því. Jæja skyldan kallar, plús maginn.

Reyni að vera skemmtilegur næst, með eitthvað innihaldslaust smælki, segjum það.

Hilsen

Gilli

Farvel Max

Heil og sæl:

Fyrr í kvöld settist ég niður og skrifaði þvílíkan bálk um fréttir í dönskum blöðum,um Saddam Hussein, skotárás á Nörrebro, og ég veit ekki hvað. Hvað haldið þið að gerist svo, ég hef greinilega ýtt á rangan hnapp, því greinin hvarf með öllu. 'Eg var að spá í að endurskrifa hana, er orðinn vanur því eftir samskiptin við Raj altmuligmand, en svo ákvað ég að sleppa því, enda nóg að læra framundan. Fyrir þá sem þekkja til, þá erum við að lesa um Java script, síðan er þemavika í gangi í grafísku hönuninni, og eflaust eitthvað meira til í viðskiptafræðinni. Þannig að það er alveg fj..............nóg að gera. Lagðist til hvílu, en gat ekki sofnað. Auðvitað af tryggð við lesendur mína sem virðast auka við á degi hverjum, enda er mér farið að líða eins og landsbyggðarblaði, sem allir lesa.

En enn á ný velta menn fyrir sér þessum kostulegu fyrrisögnum mínum, og í þetta skiptið er um enn eina slíka að ræða. Umrædur Max er minn ástkæri drykkur, Pepsi Max sem ég hef ákveðið að segja skilið við, enda kominn tími á pásu, hvað varðar gosdrykki. Maður er nú búinn að styðja kók frá því í árdaga og ætti eiginlega að fá eina gullhúðaða kókflösku frá þeim fyrir alla tryggðina, sem nær langt aftur til vöggutímabilsins, þegar amma gaf mér kók í pelann. Hvar er þakklætið, Vífilfell, fyrir kókhef ég fórnað tönnum og holdafari, bara til að njóta bragðsins. Þangað til ég fékk nóg og skipti yfir í hið sæta og ljúfa Pepsi Max, sem nú verður að víkja fyrir alvarlegum drykkjum, eins og vatni, safa og Slottaranum. En það er ekki með öllu svo slæmt, því ég hef ákveðið að hafa "slik" dag á laugardögum þar sem ég fæ mér eina svalandi Pepsi Max og treina hana yfir daginn.

Þannig að, ég kveð nú Pepsi Max með öllu, hætti reyndar að drekka það fyrir viku síðan, og er bara nokkuð brattur.  Féll reyndar um daginn, vegna smá stress í náminu, en er kominn á stað aftur með að drekka ekki. Baráttan er hafin.

Hilsen

Gilli.

Sehr gut

Sælir mínir dyggu lesendur:

Jæja, maður er nýkominn heim eftir þriggja tíma törn við leik í kvikmynd sem verður frumsýnd i janúar á næsta ári. Um er að ræða kvikmynd, sem er svokölluð interactive, þar sem áhorfendur geta valið með hvað hætti þeir drepa ákveðinn aðila í myndinni. Þeir sem standa að myndinni eru flestir þýskir nemendur í svokallaðri medialogy, sem er í rauninni alhliða nám í kvikmyndagerð, hljóðupttöku, handritsgerð og fleira. Mitt hlutverk í myndinni, þegar klippt verður saman er um aðila sem er að ná í tösku fulla af einhverju vafasömu efni, og á leiðinni á fundarstað mætir hann einni af riturum mafíuforingjans og er þegar murkaður  út fyrir að líta sem snöggvast á hana. Þannig hljómaði  handritið, og það þurfti til 3 tíma að taka þetta. Kvenhlutverkið var í höndum stúlku frá Lettlandi, sem því miður var búin að fá sér einum of marga bjóra, fyrir hlutverkið, og mætti þar að auki á háhæluðum stígvélum og var frekar völt í hlutverkinu. Enda skemmtum við okkur kvikindislega vel þegar við heyrðum hana segja oft og ítrekað, "again", enda vildi hún ekkeert frekar en að fara heim og fá sér bjór. En þetta hafðist þrátt fyrir það og allir sáttir, enda vilja menn að sjálfsögðu fara heim og fá sér einn kaldan.

Eins og fyrr segir var fyrsti í Tuborg í gær, og í texta mínum slæddist inn pínleg villa þess efnis að momsskatturinn væri dýrari í Þýskalandi, en það er öfugt, hann er ódýrari þar en í Danmörku. Ef mig minnir rétt þá er momsskatturinn eins og virðisaukinn heima.

Verð að minnast á frekar spaugilegt atriði. 'I vikunni sem leið atti fótboltaliðið FCK Kaupmannahöfn leik við Manchester United, og fram að leiknum voru spilaðar skemmtilegar sjónvarpsauglýsingar þar sem stuðningsmenn Manchester, gerðu lítið úr  danska fótboltaliðinu, sigurvissir fyrir sitt lið og fannst lítið til koma. Viti menn, FCK Kaupmannahöfn lagði Manchester United með einu marki, og núna eru þessar sjónvarpsauglýsingar spilaðar, með texta í lokin þess efnis að kannski ættu stuðningsmenn manchester united að éta orð sín aftur.  Nú eiga danir leik við Bolton að mig minnir eða eitthvað slíkt lið og danir eru sigurvissir fyrir þennan leik.

Hilsen.

Gilli

Fyrsti í JólaTuborg

Sæl verið þið og gleðilegan Tuborg.

Nei, ég er ekki kominn á stútinn hjá Tuborg, einn af þeim sárafáu eflaust hér, fyrir utan einn samnemanda minn, sem mætti með jólasveinahúfu í tíma í morgun. Mér varð litið á dagsetninguna og það er enn nóvemberbyrjun. Og hverju sætti, að hann mætti með jólasveinahúfu, kannski vegna þess að hann væri orðinn óþreyjufullur eftir jólunum? 'Onei orsökin var önnur, reyndar tengd anda og venjum jólahefða hér. Það er nefnilega kominn fyrsti í JólaTuborg, sem þýðir að á þessum degi dreifir Tuborg bjórverksmiðjan sínum klassíska jólamiði, Tuborg um allar grundir, jafnvel fríum, á veitingstöðum í kvöld. Málið er að vera mættur eina mínútu í níu í kvöld, og þá munu ævintýrin gerast á jólakveldi Tuborgs víða um Danmörku. Þannig er Danmörk í dag, senn að taka á sig jólamynd, enda komnar jólaljósaséríur i Torfagötu, sem er aðal gatan hér í Esbjerg. Þó hef ég ekki orðið var við neinar flenniauglýsingar um jólin hér í sjónvarpinu eða blöðunum, miðað við heima þar sem kaupmannajólin byrja í október, fyrst með jólahlaðborðsauglýsingum og svo fylgir Ikea fast þar á eftir. Að vísu hafa verið auglýsingar um jólahlaðborð í staðarblaðinu hér, en það er það eina sem stendur upp úr. Að öðruleyti er farið að verða kuldalegt, samt enginn snjórinn, bara nettur kuldaboli.

Af öðrum ómerkari málefnum er það að frétta að hagstæðast er fyrir Danann að bregða sér yfir landamærin til granna sinna, tyskverja, og versla þar hagstætt, bjór, dvd, eðalvín, föt og margt fleira sem er þjakað af svokölluðum momsskatti sem lagður er á hér og er hærri en skatturinn í Danmörku. Má sem taka dæmi, að fyrir 89 dkr getur keypt 4x24 bjórdósir af 33cl. Það þykir gott, enda bjórinn dýrari hérna megin að mati dana.

Nú í fréttum er það helst að nú eru danir óhressir með sinn mann, Anders Fogh Rasmussen, forsætisráðherra, því líkt og við íslendingar, lýstu danir sig viljuga til stríðsreksturs í 'Irak, en eftir þær hörmungar sem dunið hafa yfir þar, og þeir fimm látnu danir sem hafa verið fluttir heim frá'Irak, eru farnir að vekja upp spurningar um áframhaldandi veru dana í stríðsrekstrinum. Líkt og Blair, er Anders Fogh lýst sem strengjabrúðu í hinni illu stjórn Bush, sem tekur við skipunum frá honum. Það er meirihluti í dönsku þjóðarsálinni fyrir að kveðja herinn heim, enda spyrja menn sig hver tilgangurinn sé með veru dana þarna.

'Ur öðrum afkimum dansks þjóðlífs er það að frétta, að hin mikla MTV hátíð sem haldin var hér þykir hið mesta flopp, óspennandi og lítt áhugaverð þetta árið miðað við tilstand og fleira. Mikið grín hefur verið gert að menningarmálaráðherranum danska, sem fékk sér skreytinu í eyrað að sið rappara, og fram að MTV-hátíðinni var að æfa  ákveðnar handarhreyfingar að sið rappara, og  telja danskir gárungar þetta til þess gert að geta talist svalur í "globaliseringu" tónlistarlífsins, en aðallega til að geta slegið um sig innan um Snoop Dog og hina rapparana.

Jæja, þá er best að líta niður í kjallara, þar hafa framtaksamir "globalsinnar" dani og hollendingur hreinsað til og opnað barinn með ódyrum miði frá Þýskalandi, á aðeins 5 dkr. Ég á 20 dkr þannig að ég slæ til.

Hilsen.

Gilli

Andvaka-með 4.9

Esbjerg, klukkan 2:10 að nóttu.

Sæl verið þið. Hvað haldið þið, hér liggur maður andvaka og það eina sem hringsnýst i kollinum á mér er lagið Fallinn með 4.9, eða var það 4.5? Who gives a sh................ Oftast nær er það þannig að um leið og ég er lagstur á koddann þá sofna ég strax, en ónei eftir að ég kom heim úr skólanum í kvöld þá er ég svo sannarlega búinn að hafa fyrir því að reyna að sofna, og með þennan eílifðarsöng í heilabúinu. Ekki það að ég sé að fara í eitthvert próf, fjarri því, en stundum kemur það fyrir að lög eða atburðir vilja festast í kollinum, eiginlega skjóta rótum þar um tíma, eða þangað til maður hefur fundið eitthvað annað "viðloðandi", en á meðan er þá er maður með þennan dynjanda í kollinum. Og til að bæta gráu ofarn á svart, eftir að ég slökkti ljósin þá er ég allt í einu kominn með einhverja fóbíu fyrir hljóðum. Sérkennilegum brakhljóðum. Þetta er tilkomið eftir að  skriðdýr eitt, sem hægt er að murka með inniskónum í einu höggi tók sig til og rölti í átt að rúminu mínu, eiginlega bægslaðist áfram. 'I fyrstu hélt ég að þetta væri járnsmiður, en þegar ég sá bægslaganginn á kvikindinu, þá komst ég að þeirri staðreynd um leið og ég reiddi skóinn á loft að þetta væri afkomandi þess frá Bandarríkjunum, miðað við búkstærð og bumbuganginn, þannig að ég ákvað að lina þjáningar þess með einu góðu höggi. Enda má segja að þetta hafi verið besta megrunaraðferðin fyrir greyið.

Mér er ekkert sérlega vel gefið um ýmis skordýr, og má þar nefna þá helst til sögunnar köngulær. 'Eg fæ netta gæsahúð þegar ég sé þessi litlu skriðkvikindi heima, en mér varð hressilega brugðið fyrsta mánuðinn minn hérna þegar ég ætlaði að loka herbergishurðinni minni eitt kvöldið. Mér varð allt í einu starsýnt á  þetta stærðarinnar kvikindi af könguló, sem var stærra en eldspýtustokkur og sverari en fingurbjörg. Þar sem köngulóin var varla nema í augnhæð fyrir ofan mig þá þorði ég mig varla að hreyfa hvorki legg né lið, og varð það eiginlega til happs, að Sahan, einn af félögum mínum hérna á kollegium, tók eftir því hversu stjarfur ég var, og brást skjótt við, sagði mér að drepa kvikindið með inniskónum, en þar sem ég var eiginlega smátt og smátt að umbreytast í vaxmyndastyttu, þá tók hann sinn eigin skó og smassaði kvikindið með einu góðu höggi. Um leið og kvikindið hafði verið afmáð af dyrakarminum þá gerðist hið undarlega,  þessi könguló umbreyttist í litla klessu og það sem hafði virkað stórt og ógnvænlegt var eins og hárstrý á gólfinu.

Þrátt fyrir að kuldaboli sé farinn að gera vart við sig hér í Danmörku, læðast enn litil kvikindi af og til um gólfin hér, enda er gróður nánast áfastur við gluggana hér og tré og annar gróður nálægur.

Þegar maður liggur svona andvaka, þá kemur oft fyrir að maður fer yfir ýmislegt í huganum sem manni tekst ekki að beina sjónum að hversdagslega. Því eftir stutta yfirlegu ákvað ég að beina sjónaukanum frá naflanum á sjálfum mér og gefa þér lesanda góðum frí frá þessum raunum að lesa um hið lítilfjörlega líf mitt hérna á kollegiium og í stað þess ætla ég að beina sjónaukanum aðeins að mínu nánasta umhverfi, þe. svona smá innsýn í mitt umhverfi.  Hvernig það verður framreitt kemur í ljós á næstu vikum. Fylgist því með.

Jæja, syfjan er komin á nýjan leik, best að skella sér undir sæng og gera sig kláran fyrir morgundaginn.

Hilsen

Gilli

Auf wiedersehn Elena Klink

Sæl verið þið:

Maður er að verða hárlaus yfir alveg einstakri og lélegri þjónustu netfyrirtækis hér sem heitir arrownet.dk. Varla var ég búinn að fá internetið í hús á fimmtudag eða föstudag, þegar strax komu upp örðugleikar við að tengjast netinu. 'I fyrstu hélt ég að þetta væri af mínum orsökum, en eftir að hafa bankað upp hjá nokkrum kunningjum á kollegiium þá kom í ljós að þetta var allstaðar í húsinu. Nú þar sem maður er íslendingur enn í húð og hár og vanur að hlutunum sé kippt í lag ein tveri og þrír, þá kom nú annað á daginn. Þar sem bilunin átti sér stað á  föstudegi, og einsog allir vita þá vinna danir aðeins 8 klst vinnutíma, þá gerðist ekkert alla helgina. Auðvitað varð maður súr, en uppgötvaði nýja hlið á mannskepnunni, jú við erum svo háð nútíma tækni, með öllum nýjungum þess og kostum, og um leið og netið hrynur, þá hrynur tilvera manna, ekki hægt að senda email, ekki blogga, hlaða niður tónlist eða yfirleitt nokkuð hægt að gera, nema að láta sér leiðast, eða fara í fýlu og bölva danskri sérvisku. Maður huggaði sig við það að þessu yrði kippt í lag á mánudegi, en það var varla hægt að tala um neina viðgerð þá heldur, svona aðeins til málamynda, því að þegar var farið inn á síður, þá var líkt og stoppklukka væri í gangi, eftir það var ómögulegt að halda áfram að brimbrettast um síður netsins. En nú fyrir varla hálftíma síðan "datt" netið inn og maður vonar svo innilega að það haldist fram eftir kvöldi og til morguns, maður biður ekki um meira, í nafni allra netfíkla. En svona eru danir.

Nú aðalafréttin hér, allavega í Ekstrabladet er um milljarðaviðskipti íslendinga og feluleikinn með peninginn í gegnum Kaupþing. 'Eg hef reynt að kíkja á mbl.is og visir.is og búist við að sjá menn hlaupa upp til handa og fóta, og þá sérstaklega bláu hendurnar frægu, en ónei, í staðinn er aðeins talað um hagnað Avion group, RapeReykjavík er í tísku  þessa dagana, o g jú Baugur styrkti kosningabaráttu Guðlaugs Þ. Man, hvað ég er feginn að hafa flust hingað, miðað við hvað ástandið heima er eitthvað, svo maður sletti, kedeligt.

Nú hér ríkir hálfgert American Idol ástand, ein vinsælasta og jafnframt blíðasta stúlka kollegiium er flutt aftur til Þýskalands, þar sem hún hefur lokið lærlingsstöðu sinni í nuddi hérna í Danmörku. 'Ohætt er að segja að Elena hafi átt hug og hjörtu allra sem umgengust hana, hverjum og einum mætti hún með brosi, heilræði og almennt góðu hjartalagi. Langt frá því að vera þessi staðlaða ímynd sem maður hefur af þjóðverjum, stífir eins og fánastengur, og höktandi þegar þeir tala þýsku. Enskan hennar var óaðfinnanleg, og eftir nokkrar kennslustundir í íslensku,  hefði hún getað bjargað sér á 'Islandi. Henni tókst allavega að lækna mig af nokkrum ósiðum, sem ekki verður farið út í nánar hér.

Hennar verður saknað.

Hilsen

Gilli

 

Einn einfaldur

Hilsen:

Nú fer þetta að verða reglulegt, með smælki og slíku frá mér, bara svona til að koma frá sér hugsunum og þankabrotum.  Var reyndar búinn að lofa einum íslenskum aðila í skólanum að minnast ekki á nýju ófarasögu mína, sem enn á ný tengist heimsókn á postulínið. Viðkomandi blöskraði víst saga mín af magakveisunni sem hrjáði mig í Kaupmannahöfn og varð til þess að Gula fljótið breytti landlægri stefnu sinni með viðmið á Kaupmannahafnarpostulínið. Segi ekki meir um þetta fyrr en í ævisögu minni, eftir 25 ár eða svo.

Nú, fréttir frá Danmörku eru þær helstar, að framundan er vetrarmyrkur, og á sunnudaginn færa Danir klukkuna sem nemur klukkutíma aftar, þetta er náttúrulega gert til að lengja daginn aðeins meir, eða stytta, man aldrei formúluna, þessvegna er ég ekki rocket sciencetist. Geri samt ráð fyrir því að þetta sé til þess gert að lengja daginn, ekki satt?  Samfara þessarri tímabreytingu er hætt á því að geð manna breytist töluvert, náttmyrkur farið að herja á danann og stutt í vetraþunglyndið. Sá meira að segja vísað til þess að 1% af íslendingum þjáðist af vetrarþunglyndi, en það ætti ekki að koma á óvart þar sem náttmyrkrið skellur fyrr á heima, en hérna. Og þar að auki byrjar að kulna fyrr heima. Sömu sögu er ekki hægt að segja hérna, smá morgunkul á morgnana, en svo er orðið hlýtt um daginn.

Og hvað gera danir svo þegar vetrarþunglyndið herjar á þá? Myndast biðraðir til geð(ugu) læknana með reseptin sín á lofti? 'Onei, þvert á móti streyma danir, þeir sem hafa efni á því, suður á bóginn í þar sem hitinn og sólin ríkir lengur. Og þar kúra þeir fram í mars og koma svo heim brúnir og sællegir og undirbúa sig fyrir sumarhitann hérna. 'I sumar var sumarhitinn langt yfir meðallagi, allt að 30 stiga hiti. Október í ár hefur mælst með hæsta hitastigið, síðan elstu menn muna fyrir tíð hitamæla, hitinn var að jafnaði 12,8 gráður í meðallagi. Vetrarþunglyndi, my ass. Þekkist ekki á þessum bæ, enda vakna ég hress á morgnana, nema á laugardögum, ef maður hefur lent í föstudagspartýi þá er maður ansi þungur, en fínn þegar líður á daginn.

Annars er maður farinn að stræka aðeins á þessi föstudagspartý, maður hefur ekki sama úthaldið lengur eins og þessir nábýlingar mínir, sem hlakka til föstudagsins eins og til jólanna. Og svo er tekið á því með rússneskri eða lítháenskri nú eða einhverju júrótrommutónlist, drukkinn bjór eða straight vodki með ávöxtum og súraldin tilbúið eftir skotið. Já það er sko fjör hérna á föstudögum, dansað á borðum í eldhúsinu, og ekkert verið að spenna sig niður í bæ, þegar eldhúspartíið stendur undir nafni.

Jæja maður er kominn á flug. En eins og fyrirsögnin segir þá vísar hún reyndar til einfeldni viðkomandi á sumum sviðum, og í þetta skiptið tengist það einhverju vitleysu sem undirritaður gerði þegar hann setti upp bloggið, sem olli því að ekki er hægt að senda inn athugasemdir um skrif mín. Held að ég hafi kippt þessu í liðinn, annars hef ég samband við Raj vin minn.

Jæja best að drífa sig í háttinn, stuttur dagur á morgun í skólanum og svo föstudagsbarinn. Jamm, það er líf á mönnum hérna.

Hilsen

Gilli

Loksins-laus við Raj

Sælir kæru lesendur, á landi og sjó sem og erlendis.

Hljómar eins og útvarpsþáttur, ekki satt? Athugulir lesendur reka eflaust augun í það að þetta blogg er skrifað með íslenskum stöfum, en ekki einhverjum afleysingastöfum. Og hverju veldur? Jú, undirritaður, er kominn með internet tenginu heima og getur því loksins hafið regluleg bloggskrif, án þess að standa í "ströggli" við að koma inn misgáfulegum athugasemdum. Reyndar var það þannig komið fyrir mér að ég var eiginlega alveg hættur að nenna þessum bloggskrifum, sökum baráttunnar við vin minn Raj, hinumegin við eldvegginn, annaðhvort hjá mogganum eða vefmeistara skólans.

 Nú þar að auki sit ég hér við skriftir og hlusta á fréttir á Rás tvö, og verður að segjast eins og er, að fátt virðist hafa breyst síðan ég skipti um póstnúmer. Jú eitthvað hefur maður rennt augunum yfir einhverjar hneykslisögur varðandi Björn Bjarnason, sá reyndar að skipt hafði verið út í Sjálfstæðisflokknum, Kjartan útaf og inná Andri. So what? Þarf þessi flokkur ekki hvort sem er á nýrri andlistlyftingu að halda. Þó fannst mér kyndugt að halda því fram að viðkomandi Andri sé 3 árum eldri en Kjartan, get ekki betur séð en að hann sé í kringum þrítugt. Helv.... hlýtur Kjartan að hafa lélégan lýtalæknir, ef svo er. Hann gæti verið nokkrum árum eldri en arftaki sinn.

 Jæja, maður er bara kominn á ham á hinu ylhýra. Verður að segjast eins og er að danskan eflist með hverjum deginum sem líður hérna, enda reynir maður að lesa blöð o g hlusta á fréttir eins og mögulegt er.

Héðan er fátt eitt að frétta, samnemendur mínir eru enn að jafna sig eftir svokallað miðsvetrarfrí, sumir virðast enn ekki búnir að hvílast nógu vel, hafa greinilega skilið tilgang fríisins, þegar maður er í fríi þá gerir maður lítið annað en að hvíla sig, og hafa það þægilegt, allavega í Danmörku. 

Jæja, nóg að sinni maður er orðinn svo vanur stuttum skeytasendingum hvað varðar bloggið. O g svo er reyndar framundan undirbúningur hvað varðar smá kynningu á morgun í skólanum.

Hilsen

Gilli

 

Kannski?

Sæl verid tid:

Tá er madur kominn heim a ný til Esbjerg, eftir velheppnad vetrarfrí i Kaupmannahofn, og verdur ad segjast eins og er ad tangad liggur hugurinn ad loknu námi. Tad er eitthvad vid tetta afslappada andrúmsloft sem liggur yfir borginni sem heillar mann. Og svo er bara svo margt sem heillar huga manns tar, tannig ad tad er vert ad spá i tad i alvoru ad fá ser vinnu tar ad loknu námi. Gefa gamla klakanum smá frí, enda hefur madur eytt lungann af ævinni tar, svo tad er bara kominn tími á ad víkka út sjóndeildarhringinn. Fékk ad vísu nostalgíu eftir ad hafa keypt diskinn med Flís og Sigtryggi Baldvinssyni, tetta er algjor snilldardiskur.

Jæja vill ekki vera ad hafa tetta of langt, ef Raj vinur minn er á vakt. Ein svona hugsun ad lokum, hverjir eru tad sem lesa tetta blogg, fyrir utan studningshópinn vinir og vandamenn? Mér vard hugsad til tess um daginn, hverjir læsu tetta blogg mitt um allt og ekkert neitt? Kannski einhverjir sem finnst gaman ad lesa um hversdagslíf annarra, kannski einhverjir sem eru á hottunum eftir einhverju bitastædu. Eda kannski er tetta bara ég sjálfur sem hef lesid tetta 307 sinnum? Hver veit?

Annars, tad er farid ad vera dimmt hérna á morgnana, samt ekki kalt, svona tægilegur 15-17 stiga hiti.

Hilsen

Gilli